Gujarati News

Gujarati News

News of Wednesday, 11th September 2019

વડોદરાના ડભોઇ પંથકમાં 5 ઇંચ વરસાદ ખાબકતા નીચાળવાળા વિસ્તારોમાં ગોઠણડૂબ પાણી ભરાયા

પ્રિમોન્સુન કામીગીરી પર સવાલ ઉઠ્યાં : પાણીનો કોઈ નિકલા નહીં હોવાથી લોકો ત્રાહિમામ

વડોદરા જિલ્લાના ડભોઇ પંથકમાં 24 કલાકમાં 4.5 ઇંચ વરસાદ ખાબખ્યો છે. વરસાદને પગલે નીચાણવાળા વિસ્તારોમાં ઘૂંટણસમા પાણી ભરાયા છે, ત્યારે નગર પાલીકાની પ્રિમોનસુન કામગીરી સામે સવાલો પણ ઉઠ્યા છે.

ડભોઇ તાલુકામાં છેલ્લા 3 દિવસથી છૂટા છવાયા વરસાદ બાદ ગત રોજથી ભારે વરસાદ વરસવાનો શરૂ થયો હતો. જેને પગલે 24 કલાકમાં 4.5 ઇંચ જેટલો વરસાદ વરસી ગયો છે. ડભોઇના વિવિધ વિસ્તારો જેવા કે મહુડી ભાગોળ, માછીવાડ ખાડા, રેલ્વે ફાટક ખાડા વિસ્તાર, જનતાનગર, સિકંદરભાઈ ચાલી વિસ્તાર, અંબિકા નગર, ઉમા કોલોની, નંદનવન, શિવશક્તિ, પ્રભૂદાસ પાર્ક, શ્રીનાથજી સોસાયટી, આશીર્વાદ સોસાયટી, ડેપો વિસ્તાર, નગરપાલીકા શોપીંગ, પશુ દવાખાના, સિવિલ કોર્ટ સહિતના વિવિધ વિસ્તારોમાં ઘૂંટણસમા પાણી ભરાયા છે.

ડભોઇ પંથકમાં ભારે વરસાદ વરસતા નગરપાલીકાની પ્રિમોનસુન કામગીરી ઉપર મોટા સવાલો ઊભા થયા છે. પાણીનો કોઈ નીકાલ ન હોવાથી લોકો ત્રાહીમામ પોકારી ઉઠ્યા છે, ત્યારે ચાલુ વર્ષે સિઝનનો કુલ 60.24 ઇંચ વરસાદ વરસ્યો હોવાને કારણે ખેડૂતોમાં આનંદની લાગણી પ્રસરી છે. ખેતી લાયક વરસાદ વરસતા ખેડૂતોના 15000 હેક્ટરમાં વાવેલ ડાંગરનો પાક સારો ઊગશે તેવી આશા વ્યક્ત કરી છે.

(9:41 pm IST)
  • ૧૦૦ દિવસમાં ૨૨ શેરની કિંમતમાં ૫૦ ટકાનું ગાબડું : મોદી સરકાર-૨ના ૧૦૦ દિવસ દરમ્યાન રોકાણકારોના ૨૨ શેર ૫૦ ટકાથી વધારે ઘટી ગયા. access_time 3:19 pm IST

  • મોડીરાત્રે રાજકોટના પંચનાથ મંદિર પાસેના એક કોમ્પ્લેક્ષમાં આગ ભભૂકી : ત્રણથી ચાર લોકો કોમ્પ્લેક્ષમાં ફસાયા હોવાની આશંકા : લોકોના ટોળા ઉમટયા : ફાયરબ્રિગેડ દ્વારા આગ પર કાબુ મેળવવા પ્રયાસો access_time 12:30 am IST

  • વડાપ્રધાન શ્રી નરેન્દ્ર મોદીને મળેલી ભેટ સોગાદોથી ડ્રોઈંગ રૂમને સજાવવાની તક : 14 સપ્ટેમ્બરથી 3 ઓક્ટોબર 2019 દરમિયાન 2772 વસ્તુઓની ઓનલાઇન નીલામી : છેલ્લા 6 માસ દરમિયાન મળેલી ચાંદીની તલવાર ,મૂતિઓ , થ્રી ડી ઇમેજ ,સહીત દુર્લભ વસ્તુઓ વધુમાં વધુ કિંમત ચૂકવનારને અપાશે access_time 8:08 pm IST