Gujarati News

Gujarati News

News of Wednesday, 11th September 2019

અંબાજી ભાદરવી પૂનમના મેળામાં ૫ લાખ ભાવિકો ઉમટયાઃ 'જય અંબે'ના નાદ ગુંજયા

બનાસકાંઠા, તા. ૧૧ :.  ભાદરવી પૂનમના મહામેળામા રાજ્યના ખૂણેખૂણા સહિત અન્ય રાજ્યના લોકો પણ અંબાજી ખાતે પગપાળા મા અંબાના શરણે આવી રહ્યા છે. રવિવારથી શરૂ થયેલો અંબાજી મંદિરના મેળાને લઈને અંબાજીને જોડતા તમામ માર્ગો 'બોલ માડી અંબે જય જય અંબે'ના નાદે ગુંજી ઉઠયા છે. પહેલા દિવસે જ લાખો ભાવિક ભકતો મંદિરમાં દર્શન કરતા ઉમટી પડયા હતા. ત્યારે બીજા દિવસે પણ મોટી સંખ્યામાં ભકતોનો ધસારો રહ્યો હતો. ભાદરવી પૂનમના મેળાનો બીજો દિવસ છે. મેળાના દિવસમાં મંદિરમાં ૫ લાખ કરતા વધુ શ્રધ્ધાળુઓએ દર્શનનો લાભ લીધો. તેમજ બે દિવસમાં મંદિરને દાન ભેટની ૧.૪૨ કરોડ રૂપિયાની આવક થઈ છે.

કુલ આવક ૮૧,૭૦,૯૦૦ થઈ, મંદિરના શિખરે ૨૯૨ ધજાઓ ચઢાવાઈ, ૩૬,૦૭૧ લોકોએ ભોજન પ્રસાદ લીધુ, ૫,૭૨,૭૫૦ પ્રસાદનું વિતરણ થયું, ૧,૧૧,૫૪૦ પ્રવાસીઓએ બસનો લાભ લીધો, ૨૩૭૫ બસ ટ્રીપ કરાઈ હતી. મેળાના પ્રથમ દિવસે વહેલી સવારથી જ શ્રધ્ધાળુઓની ભીડ જોવા મળી હતી. અંબાજી મંદિર સહિત મુખ્ય બજારોમાં કુમકુમ ગુલાલની છોળો ઉડી હતી. તો બોલ મારી અંબે જય જય અંબેનો નાદ સમગ્ર અંબાજીના વાતાવરણમાં ગુંજતો સંભળાઈ રહ્યો છે. જેને કારણે અનોખો અને આકર્ષિત એવો ભકિતમય માહોલ જોવા મળ્યો છે.

અંબાજીના મહામેળા માટે વૃદ્ધો, વિકલાંગો તથા બાળ, ભકતો માટે ખાસ એસટી બસનો પ્રારંભ કરાયો છે જે નિઃશુલ્ક છે. આ સાથે જ ભકતો માટે ટેન્ટ સિટી સહિત અનેક સુવિધાઓ ઉપલબ્ધ કરાવાઈ છે. ભકતોને કોઈ પ્રકારની તકલીફ ન પડે તે રીતે તંત્ર તથા મંદિરના ટ્રસ્ટ દ્વારા પુરતી કાળજી રાખવામાં આવી રહી છે.

(5:37 pm IST)
  • સુપ્રીમકોર્ટમાં અયોધ્યા ભૂમિ વિવાદ અને આમ્રપાલી મામલાની થશે સુનાવણી : સુપ્રીમકોર્ટમાં બે મોટા મામલાની થશે સુનાવણી : અયોધ્યા ભૂમિ વિવાદ અને આમ્રપાલીના અધૂરા પ્રોજેક્ટ પર સુનાવણી કરશે access_time 1:03 am IST

  • ૧૩મીથી મુંબઇમાં ફરી વરસાદનું જોર વધતુ જશે : મુંબઇમાં ૧૩મી સપ્ટેમ્બર શુક્રવારે બપોરથી રવિવાર ૧૫મી સપ્ટેમ્બર સુધી ભારે વરસાદ પડતો રહેશે તેમ એક ખાનગી વેધર સંસ્થાએ ટ્વીટ કરી જણાવ્યું છે. આ ૩૬ કલાકના સમયમાં (થાણે-નવી મુંબઇ સહિત) ૪ થી ૫ ઇંચ વરસાદ પડવા સંભવ છે. જયારે પશ્ચિમ અને ઉતરના પરાઓમાં ૬ ઇંચથી પણ વધુ વરસાદ પડશે access_time 4:15 pm IST

  • લશ્કરનો ટોપ આતંકી આસિફ ઠારઃકાશ્મીરમાં સુરક્ષાદળોને મોટી સફળતા : કાશ્મીરમાં સુરક્ષા દળોને મોટી સફળતા હાથ લાગી છે : લશ્કરનો ટોપ આતંકી આસિફને ઠાર કરવામાં આવ્યો : સોપોરમાં થયેલા આ એન્કાઉન્ટરમાં બે પોલીસ અધિકારી પણ ઇજા પહોંચી છે જાણવા મળી રહ્યું છે કે આતંકી આસિફ સોપોરમાં અનેક નાપાક ગતિવિધઓમાં સામેલ રહ્યા છે access_time 11:28 am IST