Gujarati News

Gujarati News

News of Saturday, 11th August 2018

અમદાવાદમાં ૮ વર્ષની બાળાને ચોકલેટની લાલચ આપીને પ૦ વર્ષનો ઢગાઅે બાળકી સાથે અડપલા કર્યાઃ પોક્સો હેઠળ ગુનો નોંધાયો

અમદાવાદઃ શહેરના આનંદનગર વિસ્તારમાં 50 વર્ષીય આધેડે પોતાના પાડોશીની 8 વર્ષની છોકરીની જાતિય સતામણી કરી અને ત્યાર બાદ પરિવાર સાથે વિસ્તાર છોડીને નાસી ગયો હતો. બાળકી સાથે ઘટના 28 જુલાઈના રોજ બની હતી. જોકે પરિવારે પહેલા પોતાના સમાજના વડીલો સાથે ચર્ચા કર્યા બાદ મોડી ફરિયાદ નોંધાવી હતી. પોલીસે ફરિયાદ નોંધી નારધમને પકડી પાડવા ચક્રો ગતિમાન કર્યા છે.

અંગે જાણાકારી આપતા પોલીસ અધિકારીએ કહ્યું કે, ‘જીવણ પરમાન નામનો વ્યક્તિ છેલ્લા બે વર્ષથી પીડિતના પરિવારની પાડોશમાં રહેતો હતો. જેના કારણે બંને પરિવારો વચ્ચે સંબંધો પણ સુમેળ ભર્યા હતા. આડેધ ઘણીવાર નાની બાળકી સાથે રમતો હતો જ્યારે બાળકીના માતા પિતા બંને વર્કિંગ કપલ હોવાથી તેઓ ઘણીવાર આધેડ પર વિશ્વાસ રાખીને પોતાની દીકરી તેને ત્યાં રમવા માટે મુકી જતા હતા.’

ત્યારે ગત 28 જુલાઈના રોજ નરાધમે ધો.3માં ભણતી બાળકીને કહ્યું કે જો તે પોતાની સાથે આવશે તો તેને ચોકલેટ આપશે. ચોકલેટની લાલચમાં બાળકી તેની સાથે ગઈ ત્યારે નરાધમ છોકરી પોતાના ઘરે લઈ ગયો હતો અને ત્યાં એકલતાનો લાભ લઈ તેનું જાતિય શોષણ કર્યું હતું. ઘટનાથી છોકરી એટલી તો ડરી ગઈ હતી કે તેને પોતાના પરિવારના પણ સભ્યો સાથે બોલવાનું મુકી દીધું હતું.

પોતાની દીકરીમાં અચાનક આવેલ ફેરફારથી ચિંતાતુર માતાએ સમજાવીને પૂછતા જે જાણવા મળ્યું તે દંપતિ માટે ખરેખર પગ નીચેથી જમીન સરકાવી દે તેવું હતું. જે બાદ પીડિતાનો પરિવાર કોઈ આગળનું પગલું ભરે તે પહેલા નરાધમને ગંધ આવી ગઈ હતી કે પોતાના પર ગમે ત્યારે તવાઈ બોલી શકે છે. જેથી પરિવાર સાથે નાસી છૂટ્યો હતો. પીડિતાના પરિવારે પોતાના સમાજના વડીલોની સલાહ લીધા બાદ પોલીસ ફરિયાદ કરવાનું નક્કી કર્યું હતું. જેથી પોલીસે પોક્સો એક્ટ હેઠળ ગુનો નોંધી આગળની કાર્યવાહી શરુ કરી છે.

(5:46 pm IST)
  • આસામના મુખ્યમંત્રીની જીભ લપસી :કેન્દ્રીયમંત્રી રવિશંકર પ્રસાદને કહ્યા 'પંડિત રવિશંકર ' ; મુખ્યમંત્રી સર્બાનંદ સોનોવાલે 'ડીઝીટલ નોર્થ ઇસ્ટ વિઝન-2022;ના દસ્તાવેજના લોકાર્પણ વેળાએ પોતાના સંબોધનની શરૂઆતમાં કહ્યું '' હું ખાસકરીને પંડિત રવિશંકર જી ને ધન્યવાદ કરવા ઈચ્છીશ "જોકે બાદમાં ભૂલ સમજાતા માફી માંગી હતી access_time 12:41 am IST

  • કેનેડાના નોર્થ બ્રન્સવિકમાં આડેધડ ફાયરિંગ : 4 લોકોના મોત : ઘરની બહાર ન નીકળવા પોલીસની સૂચના : એક આરોપીની ધરપકડ access_time 8:20 pm IST

  • યુપી સરકારનો મોટો નિર્ણય :દેવરિયા બાલિકાગૃહ કાંડમાં પોલીસની ભૂમિકાની પણ થશે તપાસ : ગોરખપુરના અપર પોલીસ મહાનિર્દેશક દાવા શેરપાને સોંપી તપાસ : સૂત્રો મુજબ અહીં માન્યતા રદ થયા છતાં બાલિકાગૃહમાં બાળકીઓને રાખવામાં આવતી હતી access_time 12:35 am IST