Gujarati News

અમદાવાદઃ IIM અમદાવાદે પોતાની પાસેથી માગવામાં આવેલા રુ. 52 કરોડ રુપિયાના સર્વિસ ટેક્સને માફ કરવા માટે સરકારને અપીલ કરી છે. સંસ્થાએ કેન્દ્રિય માનવ સંસાધન મંત્રાલયને આ અંગે પત્ર લખીને આ ટેક્સ બાબતે દખલ કરવા માટે જણાવ્યું છે.

રેવન્યુ ડિપાર્ટમન્ટ IIMને કોમર્શિયલ કોચિંગ સેન્ટર ગણીને તેની પાસેથી 52 કરોડનો સર્વિસ ટેક્સ માગી રહ્યું છે, જ્યારે IIMનું કહેવું છે કે તે આ કેટેગરીમાં આવતી જ નથી. IIM પાસેથી એગ્રી બિઝનેસ મેનેજમેન્ટ, એક્ઝિક્યુટિવ પ્રોગ્રામ તેમજ અન્ય પ્રોગ્રામ માટે લેવાતી ફી પર છેલ્લા છ વર્ષનો 52 કરોડ ટેક્સ માગવામાં આવ્યો છે.

IIMના ડિરેક્ટર એરોલ ડી’સોઝાએ આ અંગે જણાવ્યું હતું કે, સેન્ટ્રલ જીએસટીના પ્રિન્સિપાલ કમિશનરે સંસ્થા દ્વારા લેવાયેલી ફી પર ટેક્સ માગ્યો છે. આ મામલે સંસ્થાએ કેન્દ્રિય માનવ સંસાધન મંત્રાલયને પત્ર લખીને તેન નાણાં મંત્રાલય સમક્ષ રજૂ કરવા માટે જણાવ્યું છે.