Gujarati News

Gujarati News

News of Friday, 11th June 2021

અરવલ્લી જિલ્લાના માલપુરમાં વીજપોલ પર ફસાયેલ પક્ષીને બચાવવું યુવાનને ભારે પડ્યું: નીચે પટકાતા કરુણ મોત

અરવલ્લી:જિલ્લાના માલપુર ગામે રૂઘનાથપુર જવાના માર્ગે વીજપોલ ના તારમાં ફસાયેલ એક પક્ષી તરફડી રહયું હતું. આ વીજ પોલ પાસે થી પસાર થતા ગામનાજ  ૪૫ વર્ષિય દીલીપભાઈ પક્ષીને તરફડતું જોઈ પોતાની જાતને રોકી ન શકયા અને જીવ પ્રત્યે દયાના ભાવે સડસડાટ વીજ પોલ ઉપર ચડી ગયા. લાકડીથી પક્ષીને તાર થી છુટું પાડવાનો જેવો પ્રયાશ કર્યો કે લાકડી બે વાયરને અડી જતાં આ જીવદયા પ્રેમી ના શરીરમાં કરંટ પસાર થયો હતો. અને નીચે પટકાતા મોત ને ભેટયા હતા.

માલપુર ગામે શાળા નં.૩ નજીક પંડયાવાસ પાસે રહેતા અને મજૂરી કામ સાથે જોડાયેલા ૪૫ વર્ષિય દીલીપભાઈ ગુરૂવારે બપોરે ૧૨.૩૦ કલાકે માલપુર બજારમાંથી પસાર થઈ રહયા હતા. ગામમાંથી રૂઘનાથપુર જવાના માર્ગે થી પસાર થતા આ ૪૫ વર્ષિય શખ્શની નજેર વીજપોલના તારમાં ફસાઈ તરફડી રહેલ એક પક્ષી પડયું અને પોતાનો દયાભાવ રોકી નહી શકેલા આ દિલીપભાઈ લાકડી સાથે વીજપોલ  ઉપર ચડી લાકડીથી પક્ષીને  તાર થી છુંટુ કરવાનો પ્રયાશ કરતા હતા.ત્યારે જ લાકડી બે વાયરને અડી જતાં લાગેલા વીજ કરંટ થી આ શખ્શના શરીરમાં ભડયો થયો અને વીજ કરંટ થી પોલ ઉપર થી જમીન ઉપર ધડાકાભેર પટકાતાં તાત્કાલીક ઘટના સ્થળે જ મોતને ભેટયા હતા. દિલીપભાઈ ચંદુભાઈ વાઘરી ઉ.વ.૪૫ ના મોતની જાણ માલપુર પોલીસ સ્ટેશને કરાતાં જ પોલીસે અમોતની નોંધ કરી જરૂરી કાયદેસરની કાર્યવાહી હાથ ધરી હતી. જયારે ધરમ કરવા જતાં ધાડ પડે તેવો ઘાટ આ બનાવને લઈ સર્જાયો હતો જોકે તરફડી રહેલ પક્ષીનો તાર થી છૂટી બચી ગયું હતું.પરંતુ પક્ષીને બચાવવા જનાર શખ્શનું તરફડીને મોત નીપજયું ત્યારે ઘટના સ્થળે હાજર સૌ કોઈના દીલ દ્વવી ઉઠયા હતા. ત્રણ સંતાનોના પિતા એવા દિલીપભાઈ ના મોત થી પરીવારજનો,સમાજબંધુઓમાં આક્રંદ છવાયું હતું. જયારે ગામમાં શોક છવાયો હતો.

(6:03 pm IST)
  • અમેરિકાના ફૂડ એન્ડ ડ્રગ એડમિનિસ્ટ્રેશન (USFDA) એ ભારતની કોવેકસીન રસી લોન્ચ કરવામાં વિલંબ કરતાં કોવેકસીન રસીના અમેરિકામાં ઇમરજન્સી યુઝ ઓથોરાઇઝેશન ની ભારત બાયોટેકની દરખાસ્તને નકારી કાઢી છે. ભારત બાયોટેકના યુએસ પાર્ટનર ઓક્યુજને ગુરુવારે કહ્યું હતું કે કંપની હવે કોવેક્સિનની સંપૂર્ણ મંજૂરી માંગશે. USFDA દ્વારા કંપનીને વધારાની ટ્રાયલ શરૂ કરવા કહેતા, આના પરિણામેં હવે કંપની બાયોલોજીક્સ લાઇસન્સ એપ્લિકેશન (BLA) માટે ફાઇલ કરી શકશે, જેને અમેરિકામાં સંપૂર્ણ મંજૂરી ગણાય છે. access_time 11:58 am IST

  • ' જય જગન્નાથ ' : 285 વર્ષમાં પહેલીવાર જગન્નાથજી યાત્રા ભક્તો વિના નીકળશે : રસીકરણ કરાવેલ વોલન્ટિયર્સ જ રથ ખેંચી શકશે : વર્તમાન કોવિદ -19 સંજોગોને ધ્યાને લઇ લેવાયેલો નિર્ણય access_time 11:29 am IST

  • ખૂબ જલ્દી કેન્દ્રીય કેબિનેટમાં ફેરફારની તૈયારી : પીએમ મોદીની ગૃહમંત્રી અમિતભાઇ શાહ અને જેપી નડ્ડા સાથેની બેઠક મોડી રાત્રે પુરી થઈ : પીએમ મોદી કાલે ધર્મેંદ્ર પ્રધાન, નરેન્દ્ર સિંહ તોમર, ગજેન્દ્ર સિંહ શેખાવત, મહેન્દ્ર નાથ પાંડેય, હરદીપ પુરીની સાથે તેમની સાથે સંબંધિત મંત્રાલયોના કામોની સમીક્ષા કરશે : કેબિનેટમાં બહુ મોટા પરિવર્તનો તુરંત માં થશે તેમ PMO ના સુત્રો થકી જાણવા મળે છે (ન્યૂઝફર્સ્ટ) access_time 11:41 pm IST