Gujarati News

Gujarati News

News of Friday, 11th June 2021

હેલ્લો હું આરડીબીઍલ બેન્કમાંથી નેહા શર્મા બોલુ છુ તેમ કહીને સુરતની બેન્કના ડેપ્યુટી મેનેજરના પિતાના ખાતામાંથી ૭૮ હજાર ઉપાડી લીધા

સુરત: હેલ્લો હું આર.ડી.બી.એલ બેંકમાંથી નેહા શર્મા બોલું છું!!! તમારા ક્રેડીટ કાર્ડમાં હેલ્થ ઇન્શોરન્સ ચાલુ થયો છે અને તેનો ૩૦૦ રૂપિયા ચાર્જ થશે. તેમ જણાવી સુરતમાં બેંકના ડેપ્યુટી મેનેજરના પિતાના બેંક ડીટેલ અને ઓટીપી મેળવી ૭૮,૨૨૦ રૂપિયાનું ટ્રાંજેકશન થઇ ગયું હતું.

આ બનાવ અંગે ડેપ્યુટી બેંક મેનેજરના પિતાએ સુરતના ગોડાદરા પોલીસ મથકમાં ફરિયાદ નોંધાવી છે. ઉલ્લેખનીય છે કે સુરત પોલીસે થોડા દિવસો અગાઉ આ પ્રકારે ઠગાઈ કરતી ગેંગને ઝડપી પાડી હતી.

સુરતમાં ઘણા લોકોને આર.ડી.બી.એલ બેંકમાંથી અધિકારીઓની ઓળખ આપી ક્રેડીટ કાર્ડમાં હેલ્થ ઇન્શોરન્સ બંધ કરાવવાના નામે બેક  ડીટેલ મેળવી તેમજ મોબાઈલમાં ઓટીપી મોકલી રૂપિયા ઉપાડી લેવાના બનાવો સામે આવી રહ્યા છે. ત્યારે સુરતમાં આવી જ એક વધુ ઘટના સામે આવી છે.

સુરતના ગોડાદરા વિસ્તારમાં આવેલી કૃષ્ણાપાર્ક સોસાયટીમાં રહેતા ૫૩ વિષ્ણુકુમાર દેવીપ્રસાદ શર્મા ખાનગી કંપનીમાં નોકરી કરે છે. તેઓનો પુત્ર સુરતની બેંકમાં ડેપ્યુટી મેનેજર તરીકે ફરજ બજાવે છે. ગત તારીખ ૦૧/૦૫/૨૦૨૧ના રોજ વિષ્ણુકુમાર દેવીપ્રસાદ શર્મા નોકરી પર હાજર હતા તે વેળાએ તેઓના મોબાઈલ પર એક ફોન આવ્યો હતો.

ફોન કરનારે જણાવ્યું હતું કે હેલ્લો હું આર.ડી.બી.એલ બેંકમાંથી નેહા શર્મા બોલું છું તમારા ક્રેડીટ કાર્ડમાં હેલ્થ ઇન્શોરન્સ ચાલુ થયેલ છે અને તેનો ૩૦૦ રૂપિયા ચાર્જ થશે. અને તે ચાર્જ ક્રેડીટ કાર્ડમાં એડ થઇ જશે.

જો કે વિષ્ણુકુમારે કોઈ હેલ્થ ઇન્શોરન્સ ચાલુ કરાવ્યો ન હોય તેઓએ હેલ્થ ઇન્શોરન્સ બંધ કરવાની વાત કરી હતી. જેથી ફોન કરનાર નેહા શર્માએ જણાવ્યું હતું કે તેના માટે તમારે બેંક ડીટેલ આપવી પડશે અને તમારા મોબાઈલમાં એક ઓટીપી આવશે તે આપવો પડશે. આમ નેહા શર્મા નામની મહિલાએ વિષ્ણુકુમારને વાત કરી વિશ્વાસમાં લઇ લીધા હતા.

ફોન ચાલુ હતો ત્યાં જ પૈસા ઉપડી ગયા

વિષ્ણુકુમારે કોઈ હેલ્થ ઇન્શોરન્સ ચાલુ કરાવ્યો ન હોય તેઓએ હેલ્થ ઇન્શોરન્સ બંધ કરવાની વાત કરી હતી. જેથી ફોન કરનાર નેહા શર્માએ તેઓના ક્રેડીટ કાર્ડની ડીટેલ લઇ લીધી હતી.અને તેઓ ફોન પર વાત કરી રહ્યા હતા ત્યાં એક ઓટીપી મોકલ્યો હતો અને ફોન ચાલુ જ હતો ત્યાં તેઓના બેંક ખાતામાંથી ૭૮,૨૨૦ રૂપિયાનું ટ્રાન્જેકશન દક્ષીણ ગુજરાત વીજ કંપનીના બીલમાં થઇ ગયું હતું.

જો કે આ અંગે વિષ્ણુકુમારે નેહા શર્મા નામની મહિલાને વાત કરી હતી. જેમાં નેહા શર્માએ જણાવ્યું હતું કે હજુ એક ઓટીપી આવશે અને ક્રેડીટ કાર્ડ અપડેટ કરવાની પ્રક્રિયા શરુ છે એમ કહ્યું હતું. જો કે વિષ્ણુ કુમારે તે સમયે ફોન કટ કરી દીધો હતો. અને સમગ્ર મામલે આજરોજ ગોડાદરા પોલીસ મથકમાં ફરિયાદ નોંધાવી હતી.

પોલીસે અગાઉ આવી જ ગેંગને ઝડપી પાડી હતી

ઉલ્લેખનીય છે કે આર.ડી.બી.એલ બેંકમાંથી વાત કરતા હોવાનું કહી ક્રેડીટ કાર્ડની વિગત મેળવી વીજ બીલ ભરતી ગેંગને સુરત પોલીસે ઝડપી પાડી હતી. અને આ મામલે પોલીસે હજુ પણ ઊંડાણપૂર્વક તપાસ શરુ કરી છે. પરંતુ સુરતમાં હજુ પણ આ પ્રકારે ઓનલાઈન ફ્રોર્ડનો શિકાર લોકો બની રહ્યા છે. ત્યારે લોકોને પણ આવા ભેજાબાજોથી સાવધાન રહેવાની તાતી જરૂર છે.

(4:58 pm IST)
  • ગુજરાતમાં કોરોનાની બીજી લહેર પુરી થવાના આરે - આજે ઘણા મહિને રાજ્યમાં 500ની અંદર નવા કોરોના કેસ નોંધાયા : રાજ્યમાં નવા કોરોના કેસ ઘટીને આજે ફક્ત 481 નોંધાયા અને સામે 1526 દર્દીઓ સાજા થયા : આ સાથે આજે રાજકોટ શહેર - જિલ્લામાં પણ કોરોના થાક્યો : આજે સાંજ સુધીમાં રાજકોટ શહેરમાં 24 અને ગ્રામ્યના 10 કેસ સાથે કુલ ફક્ત 34 નવા કોરોના ના કેસ નોંધાયા : અને સાથે રાજકોટ શહેર - જિલ્લામાં આજે કુલ 41 દર્દીઓ સાજા થયા access_time 7:46 pm IST

  • RBI મોટો નિર્ણય : એટીએમ ટ્રાન્ઝેક્શન પર ચાર્જ વધાર્યો : એકવાર મફત ટ્રાન્ઝેક્શનની મર્યાદા પૂરી થઈ ગયા પછી, ગ્રાહકોને બીજા દરેક એટીએમ ટ્રાન્ઝેક્શન દીઠ 21 રૂપિયા ચાર્જ લેવામાં આવશે, આ સાથે 01 જાન્યુઆરી 2022 થી આ ચાર્જ પર ટેક્સ પણ વસુલાશે તેમ જાણવા મળે છે. (ન્યૂઝફર્સ્ટ) access_time 8:12 pm IST

  • હવે રાજ્યપાલોની ફેરબદલી અને નિમણૂકોનો દોર આવી રહ્યો છે અડધો ડઝન રાજ્યપાલોની નિમણૂકો માટેનો તખ્તો તૈયાર થઈ ગયાનું જાણવા મળે છે. હાલના એકથી બે ગવર્નરોને અન્ય રાજ્યોમાં ફેરવવામાં આવે તેવી પણ શક્યતા આવો ચર્ચાઈ રહી છે.. access_time 8:58 pm IST