Gujarati News

Gujarati News

News of Friday, 11th June 2021

પોઇચા નીલકંઠધામના દ્વાર ખૂલ્યા : દર્શન, પ્રદર્શન, પ્રસાદ વગેરે લાભ

માસ્ક, સોશ્યલ ડીસ્ટન્સ ફરજિયાત : પ્રભુ સ્વામી

રાજકોટ તા. ૧૧ : નર્મદા કિનારે આવેલ નીલકંઠધામ પોઇચા શ્રી સ્વામિનારાયણ મંદિરના દર્શન  ભાવિકો માટે ખુલ્લા કરવામાં આવ્યા છે. શ્રી પ્રભુ સ્વામીના જણાવ્યા અનુસાર સરકારશ્રીની ગાઈડ લાઈન મુજબ માસ્ક પહેરવુ ,ડિસ્ટન્સ રાખવું વગેરે નિયમોના પાલન સાથે ૧૨ તારીખ ને શનિવારના રોજથી ભાવિકો દર્શનનો તેમજ ભોજન પ્રસાદ અને રાત્રિનિવાસનો લાભ લઇ શકે છે.

ઉનાળાની ગરમી અને વૈશાખ માસના અંતિમ દિવસ અમાસને દિવસે શ્રી નીલકંઠ ભગવાનને સંતોએ ચંદન ઘસીને ચંદનનાં વસ્ત્રો ધારણ કરાવી વિશેષ પૂજા કરી હતી.

તારીખ ૧૨ ને શનિવારના રોજથી નિત્ય સવારે ૫-૨૫ કલાકે મંગળા આરતી,  ૧૦૮ નર્મદા જળના ઔષધિઓ યુકત કળશનું પૂજન,  બાદ પંચામૃતથી ભગવાનને અભિષેક સંતો દ્વારા કરવામાં આવશે.

૭-૪૫ કલાકે શણગાર આરતી, ૧૦-૩૦ રાજભોગ થાળ,  ૧૧-૧૦ કલાકે રાજભોગ આરતી ૧૨-૧૫ કલાકે ઠાકોરજી વિશ્રામ કરશે.

૩.૩૦ વાગે ઠાકોરજી જાગશે, ૦૬.૧૫ મિનિટે હાથી સાથે રથયાત્રા નીકળશે. ૭-૦૦ વાગે અતિ રમણીય દર્શનીય સંધ્યા આરતીનો લાભ મળશે .     ૮- ૩૦ કલાકે ભગવાન શયન  કરશે.

જોવા , જાણવા અને માણવા જેવું સહજાનંદ યુનિવર્સલ સાંસ્કૃતિક પ્રદર્શન તારીખ૧૨ થી ખુલ્લું થશે.  જેમાં બપોરના ૧-૦૦ વાગ્યાથી સાંજના ૭-૦૦ વાગ્યા સુધી પ્રવેશ મેળવી શકાશે.

ગંગા દશહરાના પવિત્ર દિવસોમાં નર્મદા સ્નાનનો લાભ  તેમજ કુબેર ભંડારી ભગવાનના દર્શન પણ સવારના ૭ થી સાંજના ૭ વાગ્યા સુધી થશે.

(11:47 am IST)
  • ઈન્સ્ટીટ્યૂટ ઓફ કિડની ડિસીસ એન્ડ રિસર્ચ સેન્ટર, (IKDRC)અમદાવાદએ નવા ચાર ડાયાલિસિસ કેન્દ્રનો શુભારંભ કર્યો છે. ગાંધીનગર જિલ્લામાં કલોલ, માણસામાં, જામનગરમાં જામજોધપુરમાં અને મોરબીમાં વાંકાનેરમાં ડાયાલિસિસ કેન્દ્ર શરુ કરવામાં આવ્યા છે. આ કેન્દ્ર આરઓ પ્લાન્ટ સુવિધા સાથે 21 અત્યાધુનિક મશીનથી સજ્જ છે. ઉલ્લેખનીય છે કે ગુજરાત ડાયાલિસિસ પ્રોગ્રામ હેઠળ ગુજરાતના ઈએસઆરડી દર્દીઓને નિશુલ્ક ડાયાલિસિસ પ્રદાન કરવામાં આવે છે. ગુજરાત ડાયાલિસિસ પ્રોગ્રામ (જીડીપી) ભારતમાં સૌથી મોટું નેટવર્ક ધરાવે છે. જેમાં 51 કેન્દ્ર ચાલે છે. જે 500 ડાયાલિસિસ મશીનથી સજ્જ છે. અહીં વર્ષમાં 3 લાખથી વધુ ડાયાલિસિસ કરે છે. access_time 9:33 am IST

  • દેવભૂમિ દ્વારકા જિલ્લાના ખંભાળિયા તાલુકામાં બે દિવસથી ભેદી ધડાકા : રાત્રીના સમયે ભેદી ધડાકાઓથી લોકોમાં ફફડાટ. :ધડાકાઓનું કારણ હજુ સુધી જાણવા મળ્યું નથી :ધડાકા સાથે જમીન ધ્રુજી ઉઠે છે છતાં તંત્ર અજાણ : પ્રાંત અધિકારીએ ધડાકા અંગે તપાસના આદેશ આપ્યા access_time 12:08 am IST

  • રાજસ્થાનના કલાકારો માટે ગેહલોત સરકારનો મોટો નિર્ણય : આર્થિક રીતે નબળા કલાકારોની મદદ મળશે : 5 હજાર રૂપિયાની વન-ટાઇમ સહાય આપવામાં આવશે : કલાકાર કલ્યાણ ભંડોળ તરફથી સહાય આપવામાં આવશે : 2 હજાર જરૂરિયાતમંદ કલાકારોને સહાય મળશે access_time 9:44 pm IST