Gujarati News

Gujarati News

News of Friday, 11th June 2021

ભારે કરી :શિક્ષણ બોર્ડની ચૂંટણીના ઉમેદવારને સરકારે કમિટીમાં સ્થાન આપતા ભારે હોબાળો

સંચાલક બેઠકના ઉમેદવારની નિમણૂકથી ચૂંટણી પ્રભાવિત થવાની દહેશત: બોર્ડના સત્તાધીશોને પત્ર લખ્યો

અમદાવાદ : કોરોનાના કારણે બોર્ડની ચૂંટણી સ્થગિત કરવામાં આવી હતી. આ ચૂંટણીમાં સંચાલક મંડળની બેઠકને લઈને ભારે ખેંચતાણ ચાલી રહી છે ત્યારે આ બેઠકના જ ઉમેદવાર નારણભાઇ પટેલની ધો.૧૦ અને ધો.૧૨ની પરીક્ષા રદ કરાયા બાદ વિધાર્થીઓને માસ પ્રમોશનમાં ગુણ કઈ રીતે આપવા માટે તે માટે રચાયેલી કમિટીમાં નિમણુકં કરાતાં સંચાલક મંડળના અન્ય ઉમેદવારે વિરોધ વ્યકત કર્યેા છે. આ વિરોધ નોંધાવતા જ ચૂંટણી પૂર્વે જ ગરમાવો આવી ગયો છે.
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્રારા લેવામાં આવનારી ધોરણ-૧૦ અને ૧૨ની પરીક્ષા સરકાર દ્રારા રદ કરવામાં આવી હતી. આ પરીક્ષા રદ કરાયા બાદ વિધાર્થીઓને માસ પ્રમોશનમાં ગુણ કઈ રીતે આપવા માટે તે માટે એક કમિટીની રચના કરવામાં આવી હતી. આ કમિટીમાં અધિકારીઓ ઉપરાંત શિક્ષણ જગતના નિષ્ણાંતોનો પણ સમાવેશ કરવામાં આવ્યો હતો. જેમાં નારણભાઈ પટેલની નિમણુકં પણ કરવામાં આવી હતી.

 હવે  નારણભાઈ પટેલની નિમણુકં કરવામાં આવી છે ત્યારે બોર્ડની ચૂંટણીમાં ઉભેલા ઉમેદવાર જગદીશ ચાવડાએ તેનો વિરોધ કર્યેા છે. તેમના જણાવ્યા પ્રમાણે બોર્ડની ચૂંટણીમાં સંચાલક મંડળની બેઠક પરથી નારણભાઈ પટેલે ઉમેદવારી નોંધાવી છે, ત્યારે કમિટીમાં તેમને સ્થાન મળતા બોર્ડની ચૂંટણી પ્રભાવિત થાય તેમ હોવાથી તેમની નિમણુકં સામે વિરોધ નોંધાવ્યો છે. આ અંગે બોર્ડના સત્તાધીશોને પત્ર લખ્યો

(10:58 am IST)
  • અમેરિકાના ફૂડ એન્ડ ડ્રગ એડમિનિસ્ટ્રેશન (USFDA) એ ભારતની કોવેકસીન રસી લોન્ચ કરવામાં વિલંબ કરતાં કોવેકસીન રસીના અમેરિકામાં ઇમરજન્સી યુઝ ઓથોરાઇઝેશન ની ભારત બાયોટેકની દરખાસ્તને નકારી કાઢી છે. ભારત બાયોટેકના યુએસ પાર્ટનર ઓક્યુજને ગુરુવારે કહ્યું હતું કે કંપની હવે કોવેક્સિનની સંપૂર્ણ મંજૂરી માંગશે. USFDA દ્વારા કંપનીને વધારાની ટ્રાયલ શરૂ કરવા કહેતા, આના પરિણામેં હવે કંપની બાયોલોજીક્સ લાઇસન્સ એપ્લિકેશન (BLA) માટે ફાઇલ કરી શકશે, જેને અમેરિકામાં સંપૂર્ણ મંજૂરી ગણાય છે. access_time 11:58 am IST

  • એક લાખ કરોડ રૂપિયાના IL&FS કૌભાંડમાં માસ્ટર માઈન્ડ અને ઈન્ફ્રાસ્ટ્રક્ચર લીઝિગ એન્ડ ફાઈનાન્સિયલ સર્વિસ પૂર્વ ચેરમેન રવિ પાર્થશારથીની ધરપકડ : ચેન્નાઈ પોલીસની અપરાધ શાખા એ ધરપકડ કરી :ઈકોનોમિક ઓફિસ (EOW)એ કહ્યું કે પૂર્વ ચેરમેન રવિ પાર્થસારથીના નેતૃત્વમાં IL&FS ફ્રોડ કરવાનું મુખ્ય મથક બની ગયું હતું. access_time 12:41 am IST

  • પૂર્વ પોલીસ કમિશ્નર પરમ બીરસિંહને સુપ્રીમ કોર્ટની પડી ફિટકાર : કોર્ટે કહ્યું કે "તમે 30 વર્ષ સુધી મહારાષ્ટ્ર કેડરની સેવા કરી અને હવે કહો કે તમને રાજ્ય પોલીસમાં વિશ્વાસ નથી - આ ખૂબ આઘાતજનક બાબત કહેવાય". સુપ્રિમ કોર્ટે શુક્રવારે મુંબઇના ભૂતપૂર્વ પોલીસ કમિશનર પરમ બીરસિંહે તેમની સામે મહારાષ્ટ્રમાં નોંધાયેલા તમામ ગુનાહિત કેસોને સેન્ટ્રલ બ્યુરો ઓફ ઇન્વેસ્ટિગેશન અથવા અન્ય કોઈ સ્વતંત્ર એજન્સીમાં સ્થાનાંતરિત કરવાની અરજીની સુનાવણી કરવાનો સુપ્રીમ કોર્ટ સાફ ઇનકાર કર્યો access_time 12:49 pm IST