Gujarati News

Gujarati News

News of Tuesday, 11th June 2019

અમીરગઢ તાલુકાના વેનપુરા નજીક ચૂલામાંથી ઉડેલ તણખલામાંથી આગ ભભૂકતા બે બાળકો મોતને ભેટી

અમીરગઢ:તાલુકાના વેનપુરા (વિ) ગ્રામ પંચાયતમાં સમાવિષ્ટ ભાયલા ગામમાં રવિવારની રાત્રીએ ચુલામાંથી ઉડેલા એક તણખલાથી ઝુંપડામાં ભીષણ આગ લાગી હતી. જેમાં અંદર સુઈ રહેલી બે માસુમ બાળાઓ આગની જ્વાળાઓમાં લપેટાઈ જતાં ગંભીર રીતે દાઝતાં મૃત્યુ પામી હતી. જ્યારે પોતાની સગી બે દિકરીઓને બચાવવા ભડભડ સળગી રહેલા ઝુંપડામાં પડેલી માતા પણ ગંભીર રીતે દાઝી ગઈ હતી. આ ઘટનાને પગલે સ્થાનિકોમાં અરેરાટી ફેલાઈ જવા પામી હતી.

ધનપુરા (વિ) ગ્રામ પંચાયતમાં સમાવેશ કરાયેલ ભાયલા પેટા પરામાં રહેતા નાથાભાઈ કેસરભાઈ માળી (આદિવાસી) ખેતમજૂરી કરીને પરિવારનું ગુજરાન ચલાવે છે. તેમની પત્ની રવિવારની મોડી સાંજે પોતાના રહેણાંક ઝુંપડામાં રોજિંદાક્રમ મુજબ ચુલા ઉપર રસોઈ બનાવ રહ્યા હતા તે વખતે લાકડાના ચુલામાંથી એક તણખલું ઉડીને ઝુંપડામાં પડયું હતું. જોતજોતામાં આખુય ઝુંપડું આગની જ્વાળાઓમાં લપેટાઈ ગયું હતું. જેથી ગૃહણીએ બૂમાબૂમ મચાવતાં આસપાસના લોકો ઘટનાસ્થળે દોડી આવ્યા હતા અને આગને કાબૂમાં લેવા નિરર્થક પ્રયત્નો આદર્યા હતા.

(5:31 pm IST)
  • વાવાઝોડાની ચેતવણીના પગલે દેવભૂમિ દ્વારકા જીલ્લાના દરિયા કિનારે સ્નાન કરવા ઉપર પ્રતિબંધ access_time 1:55 pm IST

  • વાયુ વાવાઝોડાના ન્યુઝ અપડેટસ : (૧) સંભવિત વાવાઝોડાની પરિસ્થિતિના કારણે તા. ૧૨.૦૬.૨૦૧૯ને આવતીકાલના રોજ ભાજપ પ્રદેશ કાર્યાલય ખાતે યોજાનારી ભાજપના વિસ્તારકોની બેઠક મુલત્વી રાખવામાં આવી છે. સહુ ભાજપના જીલ્લા/મહાનગરના વિસ્તારકોને પણ જાણ કરવા વિનંતી કરવામાં આવી છે. (૨) વાયુ વાવાઝોડાને લીધે પોરબંદરના કલેકટરે 15 જૂન સુધી ચોપાટી માં જવા ઉપર પ્રતિબંધ મૂકી દીધો છે. (૩) 13 મી જૂન ની સવારે વાયુ વાવાઝોડુ ગુજરાતના દરિયાકાંઠે ત્રાટકવાનું હોવાથી આવતીકાલે તારીખ ૧૨ થી ૧૪ જુન સુધી સુરત નવસારી અને વલસાડ જિલ્લાના સમુદ્ર બીચ ઉપર લોકોને જવા દેવામાં આવશે નહીં. (૪) મુંબઈમાં ભારે વરસાદને પગલે બેંગાલુરુ ચેન્નાઈથી મુંબઈ આવતી વિમાની સેવાઓ સુરત ડાયવર્ટ કરી દેવામાં આવી છે.

    access_time 11:28 pm IST

  • રાજય સરૂકારૂ દ્વારા કંટ્રોલરૃમ કાર્યરૂત : ફોન નંબરૂની યાદી access_time 6:14 pm IST