Gujarati News

Gujarati News

News of Tuesday, 11th June 2019

અમદાવાદમાં ચારધામ યાત્રાએ લઇ જવાના બહાને માતા-પુત્રીએ છેતરપિંડી કર્યાની ફરિયાદ

માતા પુત્રીએ 35 લોકો પાસેથી વ્યક્તિદીઠ 22 હજાર રૂપિયા લીધા હતા

અમદાવાદના કૃષ્ણાનગરમાં રહેતા લોકોને ચારધામની ચાત્રામાં લઈ જવાના બહાને માતા-પુત્રીએ છેતરપિંડી કર્યા હોવાની ફરિયાદ કૃષ્ણાનગર પોલીસ સ્ટેશનમાં નોંધાઈ છે. માતા પુત્રીએ 35 લોકો પાસેથી વ્યક્તિદીઠ 22 હજાર રૂપિયા લીધા હતા. આમ કુલ 7.50 લાખની છેતરપિંડી આચરવાની ફરિયાદ રેખાબેન દેસાઇ સામે નોંધાઇ છે.

  આ અંગે મળતી વિગત મુજબ અમદાવાદના  કૃષ્ણાનગરના સરદારચોકમાં આવેલા મારુતિ પ્લાઝામાં ચિંતક ફાઉન્ડેશન દ્વારા ચારધામની યાત્રામાં 22 હજારનું પેકેજ રાખવામાં આવ્યું હતું. કૃષ્ણાનગરમાં રહેતા રમેશ પટેલે ચિંતક ફાઉન્ડેશનમાં જઈ આયોજક રેખાબેન દેસાઈને મળ્યા હતા.42 હજારમાં તેમની પત્ની અને પોતાની ટિકિટ બુક કરાવી હતી. કુલ 35 જેટલા પ્રવાસીઓએ વ્યક્તિદીઠ 22 હજાર ટિકિટના ભર્યા હતા.

  દરમિયાન 19મેના રોજ ચારધામના 23 દિવસના પ્રવાસ માટે 35 યાત્રીઓની બસ ઉપડી હતી. સૌપ્રથમ હરિદ્વાર જવાનું નક્કી કરાયું હતું પરંતુ ત્યારબાદ સ્થળ બદલી નાખવામાં આવ્યું હતું.બે-ત્રણ દિવસ સુધી કહ્યાં પ્રમાણેની સુવિધા આપી હતી.પરંતુ પછીથી આયોજકે હાથ ઊંચા કરી દીધા હતાં. ત્યારબાદ પ્રવાસીઓ સ્વખર્ચે અમદાવાદ આવી ગયા હતા. રેખા દેસાઈએ 35 લોકો પાસેથી પુરતા પૈસા લઈ પ્રવાસ નહીં કરાવી છેતરપિંડી આચરતા કૃષ્ણનગર પોલીસે તપાસ હાથ ધરી છે.

(11:19 pm IST)
  • ૨૪ મેના રોજ સુરત ખાતે તક્ષશિલા આર્કેડમાં ફાટી નીકળેલ મહાભાયાનક આગમાં ૨૨ જેટલા વિદ્યાર્થી ભાઈ બહેનો જીવતા સળગી મર્યા હતા. આ બનાવમાં આજે ક્રાઇમ બ્રાન્ચની પોલીસે સુરત મ્યુનિસિપલ કોર્પોરેશનના ડેપ્યુટી ઈજનેર વી કે પરમારની ધરપકડ કરી છે. access_time 11:45 pm IST

  • ભાવનગરના દરિયાકાંઠાના ૩૪ ગામો માટે હાઇએલર્ટ જાહેર : વાયુ વાવાઝોડાની સંભવીત ખાનાખરાબી ટાળવા ગુજરાત સરકારે ભાવનગરના દરિયાકાંઠાના ૩૪ ગામડાઓ માટે હાઇ એલર્ટ જાહેર કરી દીધેલ છે. સાવચેતી અને લોકોને ખસેડવા સુધીની તમામ તૈયારીઓ યુધ્ધના ધોરણે કરવામાં આવી છે. access_time 11:39 am IST

  • કેન્દ્રીય કેબિનેટની નિમણૂંક સમિતિએ વડાપ્રધાનના મુખ્ય સચિવ તરીકે ડો. નૃપેન્દ્ર મિશ્રા, આઇ.એ.એસ.(નિવૃત્ત) ની નિમણૂંક કરી છે. આ ઓર્ડર 31 મે, 2019 થી અમલમાં ગણાશે. ડો. નૃપેન્દ્ર મિશ્રાને તેમના કાર્યકાળ દરમિયાન કેબિનેટ મંત્રીની કક્ષાનો હોદો મળશે. આ ઉપરાંત, નિવૃત્ત આઇએએસ અધિકારી પી કે મિશ્રાને વડાપ્રધાનના અધિક મુખ્ય સચિવ બનાવવામાં આવ્યા છે. આ ઓર્ડર પણ 31 મે, 2019 થી પણ અમલમાં ગણાશે. તેમના કાર્યકાળ દરમિયાન તેમને પણ કેબિનેટ મંત્રીનું સ્થાન મળશે. access_time 12:40 am IST