Gujarati News

(કાર્તિક બાવીશી દ્વારા ) વલસાડ :વહેલી પરોઢિયે ત્રણ વાગે આ ફળિયાની મહિલાઓને ત્રણ કિલોમીટર દૂર ડુંગર ઉપર આવેલ પથ્થરની બખોલમાં બનેલા એક કાચા કુવાની અંદર ઊતરીને પીવાનું પાણી ભરવું પડે છે એક બેડું  પાણી મેળવવા માટે જીવના જોખમે મહિલાએ દોરડા વડે કૂવા માં ઉતરવું પડે છે તેમ છતાં પણ તેઓને પાણી નસીબ થતું નથી જેની પાછળનું કારણ છે કૂવાનું જળ સ્તર નીચે ઉતરી જાય છે જેના કારણે કૂવાની અંદર આવેલા ખાબોચિયા જેવડા ખાડામાં ટીપે ટીપે  એકત્ર થતું પાણી જ્યાં સુધી ભરાઈ ત્યાં સુધી કૂવાની અંદર જ બેસવાની ફરજ પડે છે  અડધો કલાક એક બેડું  પાણી ભરાઇ રહે છે આમ ફળિયા ની 200 મહિલાઓ પાણી ભરવા માટે કૂવાની ફરતે પાણી ભરવા માટે વહેલી પરોઢિયે 3  થી લઈ 6 સુધી કલાકો સુધી બેસી રહે છે આવી ગંભીર સમસ્યાને જોતાં કોઈપણ પિતા પોતાની પુત્રીને આ ગામ પરણાવવાનું ટાળી દે એ વાત ચોક્કસ છે મહત્વનું એ છે કે કપરાડા તાલુકા માટે ૫૮૬ કરોડની અસ્ટોલ જૂથ પાણી પુરવઠા યોજના મોટાઉપાડે સરકારે શરૂ કરી હતી પરંતુ હજી સુધી એની કામગીરીની ખૂબ મંથર ગતિએ ચાલી રહી છે જેના કારણે કપરાડા તાલુકાના 70 થી વધુ ગામોની સમસ્યા ઠેરની ઠેર જ સાબિત થઇ છે અને આજે પણ મહિલાઓની આ સમસ્યા  દયનીય છે