Gujarati News

Gujarati News

News of Monday, 12th April 2021

કોરોના સંક્રમણ વધતા : રાજપીપળા શહેરના બજારો, શાક માર્કેટ ત્રણ દિવસ સ્વૈચ્છીક બંધ રહેશે: વેપારીઓ અને તંત્ર વચ્ચે મિટિંગમાં નિર્ણય લેવાયો

(ભરત શાહ દ્વારા) રાજપીપળા : રાજપીપળા સહિત જિલ્લામાં સતત વધતા કોરોના ના સંક્રમણ પર કાબુ મેળવવા વહીવટી તંત્ર હાલ જહેમત ઉઠાવી રહ્યું છે ત્યારે બે દિવસ પહેલા શાક માર્કેટ બાબતે વેપારીઓ સાથે મિટિંગ કર્યા બાદ આજે રવિવારે રાજપીપળા શહેરના તમામ વેપારીઓ સાથે તંત્ર એ પ્રાંત કચેરી ખાતે આજ તાકીદની મિટિંગ ગોઠવી જેમાં પ્રાંત અધિકારી ભગત,ડીવાયએસપી પરમાર,પાલીકા પ્રમુખ કુલદીપસિંહ ગોહિલ સહિત વેપારીઓ હાજર રહ્યા આ મિટિંગમાં તંત્ર ના અનુરોધ થી તમામ વેપારી મંડળો સંમત થઈ રાજપીપળા શાક માર્કેટ તથા દવા અને દૂધ સિવાયની તમામ દુકાનો મંગળવાર,બુધવાર અને ગુરુવાર આમ ત્રણ દિવસ સંપૂર્ણપણે સ્વયંભૂ સ્વૈચ્છિક બંધ રાખવાનો નિર્ણય લેવાયો હતો.
સાથે સાથે બહારગામ થી આવતા લોકો માટે તંત્ર દ્વારા RTPCR ટેસ્ટ કરાય તેવી પણ આયોજન કરાયું છે જેમાં કોઈ વ્યક્તિ પોજેટિવ જણાઈ તો તેને ગાઈડલાઈન મુજબ સારવાર સહિતની જવાબદારી તંત્ર દ્વારા કરાઈ છે.
પ્રાંત અધિકારી ભગતે આ તબક્કે લોકોને એક મેસેજ આપ્યો હતો કે કામ વગર બહાર ન નીકળી અને નો કોઈ ઇમરજન્સી જણાઈ તો માસ્ક,સેનેટાઈજર સહિત ના નિયમોના પાલન સાથે બહાર નીકળવું જેથી કોરોના પર કાબુ મેળવી શકાય

(10:52 pm IST)
  • તેલંગણાની વીમા તબીબી સેવા અને રાજ્ય કર્મચારી વીમા વિભાગ સાથે સંકળાયેલા રૂ. 200 કરોડના કૌભાંડ કેસમાં એન્ફોર્સમેન્ટ ડિરેક્ટોરેટે આજે હૈદરાબાદમાં સાત સ્થળો પર દરોડા પાડ્યા હતા. આ દરોડા દરમિયાન આશરે 3 કરોડની રોકડ, આશરે 1 કરોડની કિંમતના ઝવેરાત, કોરા ચેક, પ્રોપર્ટી ડોક્યુમેન્ટ્સ અને બેંકોના ઘણા લોકરો મળી આવ્યા હોવાનું જાણવા મળે છે. આ દરોડા એક પૂર્વ પ્રધાન અને તેના અંગત સહાયકના સબંધીઓ પર પણ પાડવામાં આવ્યા હતા. access_time 11:56 pm IST

  • કોરોનાનો કહેર વધતા ઈરાનમાં 10 દિવસનું લોકડાઉન જાહેર: ઓફિસમાં તેના ત્રીજા ભાગના કર્મચારીઓની હાજરીનો આદેશ: તેહરાન અને દેશના 250 અન્ય શહેરો અને નગરોને ‘રેડ ઝોન’ તરીકે ઘોષિત કરાયા : તમામ ઉદ્યાનો, રેસ્ટોરાં, બેકરીઓ, બ્યુટી પાર્લરો અને મોલ્સ પણ લોકડાઉન હેઠળ આવશે.: શનિવારે ઈરાનમાં 19,600 થી વધુ નવા કેસ નોંધાયા : 193 દર્દીઓનાં મોત નીપજ્યાં access_time 12:56 am IST

  • કોરોનાનો કહેર વધતા દિલ્હી સરકારની નવી ગાઇડલાઇન જાહેર : લગ્નમાં 50 અને અંતિમ સંસ્કારમાં 20 લોકોને મંજૂરી : મહારાષ્ટ્રથી હવાઇ માર્ગે દિલ્હી આવતા તમામ મુસાફરોએ 72 કલાક જૂનો પોતાનો આરટીપીસીઆર નેગેટિવ રિપોર્ટ બતાવવાનો રહેશે: તમામ પ્રકારના સામાજિક, રાજકિય, સાંસ્કૃતિક, રમત ગમત, મનોરંજન, ધાર્મિક અને તહેવાર સંબંધી મેળાવડા પર પ્રતિબંધ access_time 12:41 am IST