Gujarati News

Gujarati News

News of Sunday, 11th April 2021

વેક્સિન માટે લાઈનમાં ઊભેલા લોકોને પાણીની બોટલો આપી

અમદાવાદ શહેર પોલીસે ફરી માનવતા દાખવી : કોરોનાની બીજી લહેરના કારણે ચિંતાનો માહોલ સર્જાયો

અમદાવાદ, તા. ૮ : દેશમાં કોરોનાની બીજી લહેરના કારણે ચિંતાનો માહોલ ઉભો થઈ ગયો છે. અનેક જિલ્લાઓમાં રાત્રી કરફ્યૂ પણ લગાવી દેવામાં આવ્યા છે. ગુજરાત પણ બીજી લહેરથી બાકાત રહ્યું નથી અને હવે ગુજરાતમાં સરકારી આંકડા પ્રમાણે ૫ હજારથી વધુ કેસો કોરોનાના આવી રહ્યા છે. કેટલીક સરકારી હોસ્પિટલો અને ખાનગી હોસ્પિટલોમાં બેડ પણ નથી. એવામાં કેટલાક કોરોનાથી સંક્રમિત થયેલા દર્દીઓને રેમડેસિવીર ઈન્જેકશનની જરૂરિયાત ઉભી થઈ છે. ચિંતાની વાત તો એ છે કે ઈન્જેકશન પણ પૂરતી માત્રામાં હાલ નથી. જેથી લોકો કલાકો સુધી લાઈનો લગાવી ઈન્જેકશન મેળવી રહ્યા છે.

અમદાવાદમાં ઝાયડ્સ હોસ્પિટલમાં આ ઈન્જેકશન આપવામાં આવી રહ્યા છે અને લોકો આખી રાત લાઈનમાં ઉભા રહી પોતાના પરિવારજનોને બચાવવા ઈન્જેકશન માટે ઉભા છે ત્યારે આટલી ગરમીમાં પણ લોકો ભૂખ્યા તરસ્યા રહીને પણ પોતાનો વારો ક્યારે આવશે તે માટે ઉભા છે. મોટી-મોટી લાઈનો હોવાથી પોલીસ પણ ત્યાં હાજર છે અને કોઈ બનાવ અથવા વ્યવસ્થા ખરાબ ના થાય તે માટે ફરજ બજાવી રહ્યા છે.

લોકોની આવી પરિસ્થિતિ જોઈને પોલીસ પણ રહી શકી નથી અને માનવતા દાખવીને લોકોને પાણીની બોટલો લાવીને પીવડાવી રહી છે અને લોકોને હિંમત આપવાનું કામ કરી રહી છે.

પોલીસનું કહેવું છે કે હાલ પરિસ્થિતિ સારી નથી જેથી તેમને પણ હિંમત મળે અને ગરમીમાં પરેશાની ના થાય તે માટે અમે પણ ઉભા છીએ.જોકે હાલ તો કોરોના વિસ્ફોટના કારણે તમામ લોકો ચિંતામાં મુકાઈ ગયા છે અને આ પરિસ્થિતિ પૂરી થાય તેની રાહ જોઈ રહ્યા છે.

(9:08 pm IST)
  • ભારત વિશ્વમાં 10 કરોડ રસીઓ વહન કરનાર સૌથી ઝડપી દેશ બની ગયો છે. કોરોના વાયરસ સામે રસીકરણ અભિયાનના 85 માં દિવસે શનિવારે ભારતે આ સ્થાન પ્રાપ્ત કર્યું છે. અમેરિકાને આટલી રસી લાવવામાં 89 અને ચીનને 102 દિવસનો સમય લાગ્યો હતો. કેન્દ્રીય આરોગ્ય મંત્રાલયે આ માહિતી આપી હતી. મંત્રાલય મુજબ, દૈનિક રસીકરણના મામલામાં ભારત ટોચ પર છે. access_time 12:22 am IST

  • કોરોનાનો કહેર વધતા ઈરાનમાં 10 દિવસનું લોકડાઉન જાહેર: ઓફિસમાં તેના ત્રીજા ભાગના કર્મચારીઓની હાજરીનો આદેશ: તેહરાન અને દેશના 250 અન્ય શહેરો અને નગરોને ‘રેડ ઝોન’ તરીકે ઘોષિત કરાયા : તમામ ઉદ્યાનો, રેસ્ટોરાં, બેકરીઓ, બ્યુટી પાર્લરો અને મોલ્સ પણ લોકડાઉન હેઠળ આવશે.: શનિવારે ઈરાનમાં 19,600 થી વધુ નવા કેસ નોંધાયા : 193 દર્દીઓનાં મોત નીપજ્યાં access_time 12:56 am IST

  • SII ના આદર પૂનાવાલાના કોરોના રસી ઉત્પાદન ના નિવેદન અંગે એમ્સના ડાયરેક્ટર ડો. રણદીપ ગુલેરિયાએ જવાબ આપતા કહ્યું કે એન્ટી-કોરોના રસી માટેના પુરવઠા વિશે જાણકારી રાખવી એ કોઈ 'રોકેટ સાયન્સ' નથી કે તમારે તેના ઉત્પાદન માટે રાહ જોવી જોઈએ. તેમણે કહ્યું કે રસી નિર્માતાને ઉત્પાદન વિશેની તમામ જાણકારી હોવી જોઈએ. ઉત્પાદકોને ફક્ત ભારત જ નહીં, પરંતુ બાકીના વિશ્વને પણ સપ્લાય (જરૂરિયાત) વિશે જાગૃત હોવું જોઈએ. એમ કહેવા માટે કે તેઓ હવે ઉત્પાદન શરૂ કરશે, તે આશ્ચર્યજનક છે. access_time 11:48 pm IST