Gujarati News

Gujarati News

News of Sunday, 11th April 2021

પીપીઈ કિટ પહેરીને પિતા કોરોનાગ્રસ્ત દીકરાને જમાડે છે

સિવિલમાં હૃદયદ્રાવક દ્રશ્યો : ૩ વર્ષની ઉંમરના કોરોનાગ્રસ્ત દર્દીના પિતા છેલ્લા ૧૦ દિવસથી દીકરાની સાથે શહેરની સિવિલ હોસ્પિટલમાં છે

અમદાવાદ,તા.૧૧ : અમદાવાદ સહિત સમગ્ર રાજ્યમાં કોરોનાનો વ્યાપ વધી રહ્યો છે. કોરોનાની આ નવી લહેરમાં મોટી સંખ્યામાં બાળકો પણ સંક્રમિત થઈ રહ્યા છે. અમદાવાદની સિવિલ હોસ્પિટલમાં પણ અત્યારે અનેક બાળકો સારવાર લઈ રહ્યા હોવાને કારણે હૃદયદ્રાવક દ્રશ્યો જોવા મળી રહ્યા છે. કોરોનાગ્રસ્ત બાળકો માટે એક અલગ પિડિઆટ્રીક વોર્ડની વ્યવસ્થા કરવામાં આવી છે જ્યાં દર્દીની સાથે એક વ્યક્તિને રોકાવાની મંજૂરી આપવામાં આવે છે. અહીં મોટાભાગે બાળકની સાથે માતા અથવા પિતામાંથી કોઈ એક રોકાય છે. ૩ વર્ષની ઉંમરના સૌરવના પિતા રામબીર રાજપુત પાછલા ૧૦ દિવસથી દીકરા સાથે સિવિલ હોસ્પિટલમાં છે. કફ અને તાવ જેવા લક્ષણો હોવાને કારણે સૌરવને ખાનગી દવાખાનામાં લઈ જવામાં આવ્યો હતો

          જ્યાંથી તેને સિવિલ હોસ્પિટલમાં મોકલવામાં આવ્યો હતો. ટાઈમ્સ ઓફ ઈન્ડિયા સાથેની વાતચીતમાં તેના પિતા જણાવે છે કે, હું પીપીઈ કિટ પહેરીને મારા દીકરાનું ધ્યાન રાખુ છું. ડોક્ટર જણાવે છે કે તેના સ્વાસ્થ્યમાં સુધારો છે. તેમની બાજુના બેડ પર નોબલનગર વિસ્તારમાં રહેતા દુલાની મિરિયાની સારવાર ચાલી રહી છે, જેમને ૧૪ મહિનાની દીકરી માયેશા સાથે શનિવારના રોજ દાખલ કરવામાં આવ્યા હતા. તે જણાવે છે કે, બે દિવસ પહેલા મારો રિપોર્ટ પોઝિટિવ આવ્યો હતો. મારા લક્ષણો સામાન્ય હતા માટે મને હોમ ક્વોરન્ટાઈન થવાની સલાહ આપવામાં આવી હતી. તે દરમિયાન મારી દીકરીને પણ તાવ આવવા લાગ્યો. અમે સમય વેડફ્યા વિના તેનો પણ રિપોર્ટ કરાવ્યો જેનું પરિણામ હજી આવ્યું નથી. આગળ જતા કોઈ તકલીફ ના થાય તે માટે તેને પણ હોસ્પિટલમાં દાખલ કરવામાં આવી છે. સિવિલ હોસ્પિટલના એડિશનલ મેડિકલ સુપ્રીટન્ડન્ટ ડોક્ટર રાકેશ જોશી જણાવે છે કે, હોસ્પિટલમાં અત્યારે ૧૨ કોરોનાગ્રસ્ત બાળકો સારવાર લઈ રહ્યા છે. વયસ્કોની સરખામણીમાં બાળકોમાં લક્ષણો હળવા હોય છે, પરંતુ આ લહેરમાં ગંભીર લક્ષણો ધરાવતા બાળકોની સંખ્યામાં પણ નોંધપાત્ર વધારો જોવા મળ્યો છે.

(7:58 pm IST)
  • દેશમાં કોરોનાના કેસમાં ભયાનક ઉછાળો : તમામ રેકોર્ડ તૂટ્યા :કુલ મૃત્યુઆંક 1.70 લાખને પાર પહોંચ્યો : રાત્રે 12 વાગ્યા સુધીમાં કોરોનાના નવા 1,57,028 કેસ નોંધાયા :કુલ કેસની સંખ્યા 1,35,12,493થઇ :એક્ટિવ કેસ 11,89,856 થયા : વધુ 68,748 દર્દીઓ સ્વસ્થ થતા કુલ 1,21,47,081 થયા :વધુ 761 લોકોના મોત સાથે કુલ મૃત્યુઆંક 1,70,066 થયા: દેશમાં સૌથી વધુ મહારાષ્ટ્રમાં 63,294 નવા કેસ ,ઉત્તર પ્રદેશમાં 15,276 કેસ, દિલ્હીમાં 10,774 કેસ અને કર્ણાટકમાં 10,250 કેસ નોંધાયા access_time 12:05 am IST

  • પરિમલ નથવાણી અલગ મિજાજમાં: રિલાયન્સ ઇન્ડસ્ટ્રીઝના કોર્પોરેટ ડાયરેક્ટર અને આંધ્રના રાજ્યસભાના સભ્ય શ્રી પરિમલભાઈ નથવાણી નવરાશની પળોમાં એક અલગ જ મિજાજમાં નજરે પડે છે.. રવિવાર સવારનો સમય તેમણે શરીરની ચુસ્તી-સ્ફુર્તિ જાળવવામાં પસાર કર્યો હતો. access_time 10:37 pm IST

  • કોરોનાનો કહેર વધતા દિલ્હી સરકારની નવી ગાઇડલાઇન જાહેર : લગ્નમાં 50 અને અંતિમ સંસ્કારમાં 20 લોકોને મંજૂરી : મહારાષ્ટ્રથી હવાઇ માર્ગે દિલ્હી આવતા તમામ મુસાફરોએ 72 કલાક જૂનો પોતાનો આરટીપીસીઆર નેગેટિવ રિપોર્ટ બતાવવાનો રહેશે: તમામ પ્રકારના સામાજિક, રાજકિય, સાંસ્કૃતિક, રમત ગમત, મનોરંજન, ધાર્મિક અને તહેવાર સંબંધી મેળાવડા પર પ્રતિબંધ access_time 12:41 am IST