Gujarati News

Gujarati News

News of Sunday, 11th April 2021

સાગબારા મામલતદાર કચેરીમા કરાર આધારીત કોમ્યુટર ઓપરેટરની જામીન અરજી ફગાવતી રાજપીપળા કોર્ટ

ભરત શાહ દ્વારા) રાજપીપળા : નર્મદા જિલ્લાના સાગબારા ખાતેની મામલતદાર કચેરીમાં કરાર આધારિત કોમ્પ્યુટર ઓપરેટર તરીકે ફરજ બજાવતા સુમિત યશવંતભાઇ વસાવાના રેગ્યુલર જામીન શુક્રવારે  રાજપીપળા સેશન્સ કોર્ટ દ્વારા રિજેક્ટ કરાયા છે ,
ગત તા .૨૬ માર્ચ ના રોજ પોલીસ ઈન્સપેકટર,નર્મદા એ.સી.બી.પો.સ્ટે.રાજપીપળા ને મળેલી ફરિયાદ મુજબ ફરીયાદીના કુટુંબની જમીનના ભાગ પડેલ જેમાં ફરીયાદીને યોગ્ય ભાગ નહીં મળતા કોર્ટમાં અરજી માટે ફરીયાદીના પિતા હયાત ન હોય , ફરીયાદીના નામે પાવર ઓફ એટર્ની બનાવવા માટેના કાગળો તૈયાર કરેલા અને મામલતદારની સહી કરવા માટે મોકલતા મામલતદાર કચેરીના સુમિત યશવંતભાઇ વસાવા,કરાર આધારીત કોમ્યુટર ઓપરેટર એ મામલતદારની સહી મેળવી આપવાના અવેજ પેટે ફરીયાદી પાસે રૂ .૨૫૦૦ / - ની માંગણી કરેલ જે રકમ ફરિયાદી આપવા માગતા ન હોય ફરિયાદીની ફરિયાદ આધારે પોલીસ ઈન્સપેકટર એ.સી. બી. રાજપીપળા એ લાંચનું છટકુ ગોઠવી સુમિત વસાવા ને ફરીયાદી પાસેથી રૂ .૨૫૦૦ / - લાંચ સ્વીકારી ઝડપી લીધા બાદ તેના વિરૂધ્ધ ગુનો દાખલ થયો હતો,જેમાં સુમિત વસાવાએ નામદાર સેશન્સ કોર્ટ,રાજપીપળા ખાતે રેગ્યુલર જામીન અરજી દાખલ કર્યા બાદ તપાસ અધિકારી એ સોગંદનામું ફાઇલ કરતાં,તેમજ આરોપી વિરૂધ્ધ દસ્તાવેજી પુરાવા , સાંયોગીક પુરાવા,ટેકનિકલ પુરાવાઓને ધ્યાને લઇ તથા સરકારી વકીલ જે.જે.ગોહિલની ઘારદાર દલીલો બાદ યશવંત વાસવાના રેગ્યુલર જામીન રિજેકટ કર્યાં છે .

(10:31 pm IST)
  • રાજકોટમાં એક કલાસીસ ઉપર દરોડો : દરોડાથી બચવા વિદ્યાર્થીઓને ચોપડા વગર આવવા અને બાઇક-સ્કુટર દૂર પાર્ક કરવા કહેવાયું હતું : દરોડા બાદ કલાસીસ સંચાલકો જવાબ ન આપી શકયા access_time 4:21 pm IST

  • દેશમાં કોરોનાના કેસમાં ભયાનક ઉછાળો : તમામ રેકોર્ડ તૂટ્યા :કુલ મૃત્યુઆંક 1.70 લાખને પાર પહોંચ્યો : રાત્રે 12 વાગ્યા સુધીમાં કોરોનાના નવા 1,57,028 કેસ નોંધાયા :કુલ કેસની સંખ્યા 1,35,12,493થઇ :એક્ટિવ કેસ 11,89,856 થયા : વધુ 68,748 દર્દીઓ સ્વસ્થ થતા કુલ 1,21,47,081 થયા :વધુ 761 લોકોના મોત સાથે કુલ મૃત્યુઆંક 1,70,066 થયા: દેશમાં સૌથી વધુ મહારાષ્ટ્રમાં 63,294 નવા કેસ ,ઉત્તર પ્રદેશમાં 15,276 કેસ, દિલ્હીમાં 10,774 કેસ અને કર્ણાટકમાં 10,250 કેસ નોંધાયા access_time 12:05 am IST

  • કોરોનાનો કહેર વધતા ઈરાનમાં 10 દિવસનું લોકડાઉન જાહેર: ઓફિસમાં તેના ત્રીજા ભાગના કર્મચારીઓની હાજરીનો આદેશ: તેહરાન અને દેશના 250 અન્ય શહેરો અને નગરોને ‘રેડ ઝોન’ તરીકે ઘોષિત કરાયા : તમામ ઉદ્યાનો, રેસ્ટોરાં, બેકરીઓ, બ્યુટી પાર્લરો અને મોલ્સ પણ લોકડાઉન હેઠળ આવશે.: શનિવારે ઈરાનમાં 19,600 થી વધુ નવા કેસ નોંધાયા : 193 દર્દીઓનાં મોત નીપજ્યાં access_time 12:56 am IST