Gujarati News

વડોદરા:શહેરના સેન્ટ્રલ જેલના યાર્ડ-૧૪માં આવેલી એક ખોલીમાં શૈાચાલયના ટબમાં ખાડો કરીને છુપાવેલો મોબાઈલ ફોન મળતાં ખોલીમાં રહેતા સાત પાસાના કેદીઓ સામે જેલરે ફરિયાદ નોંધાવી હતી.

સેન્ટ્રલ જેલના ગુ્રપ-૨ના જેલર રમણભાઈ ભીખાભાઈને ગઈ કાલે જેલના યાર્ડ-૧૨ની એક ખોલીમાં કેટલાક કેદીઓએ મોબાઈલ છુપાવી તેનો ઉપયોગ કરતા હોવાની માહિતી મળી હતી. આ માહીતીના પગલે તેમણે અન્ય જેલરો અને  ઝડતી સ્કવોર્ડના કાફલા સાથે ગઈ કાલે સવારે આકસ્મિત ઝડતી હાથ ધરી હતી. ઝડતી દરમિયાન યાર્ડ-૧૨ના ખોલી નંબર ૧૪ની અંદર બેરેકમાં શૈાચાલયના ટબમાં ખાડો કરીને છુપાવેલો સીમ વગરનો બેટરી સહિતનો એક મોબાઈલ ફોન મળી આવ્યો હતો. આ ફોન અંગે સ્ટાફે ઉક્ત ખોલીમાં રહેતા કેદીઓની પુછપરછ કરી હતી પરંતું કોઈએ સંતોષકારક જવાબ આપ્યો નહોૅતો.