Gujarati News

Gujarati News

સમાચાર ગુજરાતસમાચાર ગુજરાત
News of Monday, 11th February 2019

જીએસટીની ટર્નઓવર લિમિટ ડબલ :નોટિફિકેશનના અભાવે વેપારીઓ અસમંજસની સ્થિતિમાં મુકાયા

અનેક વેપારીઓ આ નોટિફિકેશનની રાહમાં : આ મુદ્દે એસોસિયેશને પણ રજૂઆત કરી

અમદાવાદઃ વેપારીઓને રીઝવવા માટે કેન્દ્ર સરકાર દ્વારા જીએસટીની ટર્નઓવર લિમિટ ર૦ લાખથી વધારીને ૪૦ લાખ કરાઈ હતી, પરંતુ નોટિફિકેશન હજુ સુધી જાહેર નહીં કરાતાં વેપારીઓ અસમંજસની સ્થિતિમાં મુકાયા છે. રૂપિયા ૪૦ લાખની લિમિટની અંદર આવતા વેપારીઓ જીએસટી નંબર રદ કરાવવો કે નહીં એ અંગેનું માર્ગદર્શન ટેક્સ કન્સલ્ટન્ટ અને સીએ પાસે માગી રહ્યા છે.

  જીએસટી કાઉન્સિલની બેઠકમાં કમ્પોઝિશન સ્કીમની લિમિટ ૧.પ૦ લાખ કરવાની અને રિટર્નમાં સુધારા-વધારા કરી શકવાની જાહેરાત કરાઈ હતી. આ અંગેનાં નોટિફિકેશન પણ જાહેર થઈ ગયાં છે, જેથી તેનું અમલીકરણ પણ શરૂ થઈ રહ્યું છે, પરંતુ ટર્ન‌ઓવરના મામલે હજુ સુધી કોઈ નિર્ણય જાહેર કરાયો નથી. ટેક્સ કન્સલ્ટન્ટ સંદીપ શાહે જણાવ્યું હતું કે અનેક વેપારીઓ આ નોટિફિકેશનની રાહ જોઈ રહ્યા છે. આ મુદ્દે એસોસિયેશને પણ રજૂઆત કરી છે.

  વેપારીઓ રિટર્નની ઝંઝટમાંથી મુક્ત થવા માગે છે. ઉપરાંત કેટલાક તો નંબર પણ રદ કરાવવા માટે રાહ જોઈ રહ્યા છે. આથી તેઓ નોટિફિકેશનની રાહ જોઈ રહ્યા છે. ઉપરાંત ટર્નઓવર લિમિટનો અમલ થતાં જ આઇટીસીની પ્રોસેસમાં પણ પસાર થવાનું નથી. 1૦ જાન્યુઆરીમાં મળેલી જીએસટી કાઉન્સિલની ૩રમી બેઠકમાં નાના વેપારીઓ અને નાના ઉદ્યોગોને રાહત આપવાની દિશામાં મહત્ત્વના નિર્ણય કરવામાં આવ્યાં હતાં.
(7:54 pm IST)
છેલ્લા 8 દિવસમાં સૌથી લોકપ્રિય
સમાચાર ફટાફટ

  • અમદાવાદ મેટ્રો ટ્રેન ચાલુ થાય તે પહેલાં જ મેટ્રો ટ્રેનના સામાનની ચોરી: મેનેજરે અમરાઇવાડી પોલીસ સ્ટેશનમાં નોંધાવી ફરિયાદ access_time 9:30 pm IST

  • સુરત:પાસ કન્વીનર અલ્પેશ કથીરીયાનો રાજદ્રોહ મામલે કાલે જામીન મેળવવા અંગે કોર્ટમાં થશે રીવીઝન અરજી પર સુનાવણી :સુરત કોર્ટે અલ્પેશના જામીન કર્યા હતા રદ્દ access_time 9:14 pm IST

  • રાજકોટ : સિટીબસ,BRTS બસના ડ્રાઈવર અને કંડકટર સામે RMCની લાલઆંખ :વિજિલન્સ દ્વારા 22 બસમાં કર્યું સરપ્રાઈઝ ચેકીંગ :ટિકિટ નહીં આપનારા 5 કંડકટરને કાયમી સસ્પેન્ડ કરાયા:મોડી ટિકિટ આપનાર 5 કંડકટરને 7 દિવસ માટે અને 11 કંડકટરોને 10 દિવસ માટે કર્યા સસ્પેન્ડ access_time 12:24 am IST

મુખ્ય સમાચાર
સમાચાર રાજકોટ
સૌરાષ્ટ્ર કચ્છ
સમાચાર ગુજરાત
દેશ-વિદેશ
એન. આર. આઈ. સમાચાર
ખેલ-જગત
ફિલ્મ જગત