Gujarati News

Gujarati News

News of Monday, 11th February 2019

ચીખલી તાલુકા નજીક રૂઢિ પ્રથા સામે ફરિયાદ નોંધનાર ખેડૂતોના ખેતરમાં પાઇપની તોડફોડ કરનાર મહિલા સહીત 7 શખ્સો વિરુદ્ધ ગુનો દાખલ

ચીખલી: તાલુકાનાં રાનવેરીકલ્લા ગામે સ્થાનિક વહીવટી તંત્રની મંજૂરી વિનાજ રૂઢી પ્રથા ગ્રામસભા યોજાતા સમગ્ર પંથકમાં ઘેરા પ્રત્યાઘાતો પડયા છે. જોકે, પોલીસે એક મહિલા સહિત ૮ શખ્સો સામે ગુનો દાખલ કરતા ગ્રામ્ય વિસ્તારોમાં રૂઢીપ્રથા ગ્રામસભા યોજનારા તત્વોમાં ફફડાટ વ્યાપી ગયો છે. રવિવારે રાનવેરીકલ્લા ગામે કેટલાક તત્વોએ કેટલાક ખેડૂતોનાં ખેતરમાં પાણી માટે વપરાતા પાઈપોની તોડફોડ કરતા ખેડૂતોએ ચીખલી પોલીસનું ધ્યાન દોર્યું છે.

ઘટનાની પ્રાપ્ત થયેલી માહિતી અનુસાર રાજ્યનાં પંચાયત અને ગ્રામ વિકાસ વિભાગ દ્વારા રૂઢીપ્રથા ગ્રામસભાને ગેરકાયદેસર જાહેર કરી હોવા છતાં પણ ચીખલી તાલુકાનાં રાનવેરીકલ્લા ગામે શનિવારે રૂઢીપ્રથા ગ્રામસભા યોજાઇ હતી. રાનવેરીકલ્લાના કેટલાક આગેવાનોએ ચીખલી પોલીસને રજૂઆત કરતા જણાવ્યું હતું કે, અમારા ગામમાં દરેક જાતિ-ધર્મનાં લોકો હળીમળીને રહે છે પરંતુ છેલ્લા કેટલાક સમયથી ચીખલી તાલુકામાં રૂઢીપ્રથા ગ્રામસભા યોજીને કેટલાક તત્વો આદિવાસી પ્રજાને ગેરમાર્ગે દોરી રહ્યા છે. 

(5:06 pm IST)
  • રાજસ્થાનમાં ગુર્જર આંદોલન હિંસક બન્યું :ધૌલપુરમાં પોલીસ પર પથ્થરમારો :પોલીસની ગાડીઓમાં આગ લગાડાઇ :ભરતપુર જિલ્લાના ધૌલપુરમાં પ્રદર્શકારીઓ અને પોલીસ વચ્ચે ઘર્ષણ :પોલીસ પાર પથ્થરમારો કરાયો :ગાડીઓ પણ સળગાવી access_time 1:26 am IST

  • રુચિરા કાબોજ ભૂટાનમાં ભારતની નવા રાજદૂત નિયુક્ત :આગામી દિવસોમાં સાંભળશે કાર્યભાર :વરીષ્ઠ રાજનાયિક રુચિરા કાબોજને ભારતના રાજદૂત અતિકે ભૂટાનમાં નિયુક્ત કરાયા access_time 12:58 am IST

  • વિડીયો : નોટબંધી ને બે વર્ષ ઉપરાંત થવા આવ્યા છતાં હજુ જૂની ચલણી નોટો પકડાઈ રહી છે. નવસારી લોકલ ક્રાઇમ બ્રાન્ચ પોલીસે પોલીસે ત્રણ કરોડથી વધારેની હજાર અને પાંચસોની બંધ થઈ ગયેલી જૂની ચલણી નોટો સાથે ચાર લોકોને ઝડપી પાડ્યા છે. આ જૂની ચલણી નોટો મુંબઈથી નવસારીમાં નવસારીમાં, નવી નોટો સામે બદલાવવા માટે આવી હોવાનું પ્રાથમિક તપાસમાં ખુલ્યુ હતું. હવે એક બહુ મોટો પ્રશ્ન પોલીસ અને પ્રશાસન સામે આવી રહ્યો છે કે આખિરકાર આ જૂની ચલણી નોટોને નવી નોટો સામે કોણ બદલી આપે છે?? (વિડીયો - સ્પીડ રિપોર્ટ) access_time 3:38 pm IST