Gujarati News

Gujarati News

News of Monday, 11th February 2019

અમદાવાદના સેટેલાઈટમાં પ્રેમ પ્રકરણમાં યુવાનને થાંભલે બાંધી ઢોરમાર મારનાર યુવતીના પિતા સહીત બે વિરુદ્ધ ફરિયાદ

અમદાવાદ:સેટેલાઇટમાં પ્રેમ પ્રકરણના કિસ્સામાં યુવતીને ભગાડી જનારા યુવકના સબંધીને થાંભલા સાથે બાધીને ઢોર માર મારવાનો કિસ્સો પ્રકાશમાં આવ્યો છે. આ કેસમાં સેટેલાઇટ પોલીસે યુવતીના પિતા સહિત બે વ્યક્તિ સામે ગુનો નોંધી વધુ તપાસ હાથ ધરી છે.

આ કેસની વિગત એવી છે કે મેમનગરમાં ક્રિષ્ના ડેરી પાસે ગોપાનગરમાં રહેતા કૈલાસચન્દ્ર લાલુરામ કુમાવતે સેટેલાઇટ પોલીસ સ્ટેશન ખાતે ફરિયાદ નોંધાવી છે કે તેમના સબંધીનો છોકરો તાજેતરમાં યુવતીને ભગાડીને જતો રહ્યો હતો. જેથી યુવતીના પિતાએ યુવકને પકડીને સેટેલાઇટમાં માણેકબાગ પાસે તપોવન સોસાયટીમાં લઇ ગયા હતા અને ગઇકાલે સવારે સિમેન્ટના થાંભલા સાથે બાંધીને ગાળો બોલીને લાકડીઓ તથા ગડદાપાટુનો માર માર્યો હતો.

(5:06 pm IST)
  • ર૦૦૩ ના મુંબઇ બોમ્બ બ્લાસ્ટમાં મોતની સજા પામેલા હનીફ સૈયદનું મૃત્યુ : નાગપુર : નાગપુરની સેન્ટ્રલ જેલમાં કેદ ર૦૦૩ ના મુંબઇ બોમ્બ બ્લાસ્ટ કેસમાં મોતની સજા પામેલા ૩ દોષિતોમાંથી એક એવા મોહમ્મદ હનીફ સૈયદ શનિવારે એક હોસ્પીટલમાં મૃત્યુ થયુ હતું. સૈયદ, તેની પત્ની ફહમીદા અને ત્રીજા કાવતારા ખોર અશરત અંસારીને પોટા કોર્ટે ર૦૦૯ માં બોમ્બ બ્લાસ્ટ માટે કસૂરવાર ઠેરવ્યા હતાં. આ બ્લાસ્ટરમાં પર લોકો માર્યા ગયા હતાં. access_time 3:42 pm IST

  • વિડીયો : નોટબંધી ને બે વર્ષ ઉપરાંત થવા આવ્યા છતાં હજુ જૂની ચલણી નોટો પકડાઈ રહી છે. નવસારી લોકલ ક્રાઇમ બ્રાન્ચ પોલીસે પોલીસે ત્રણ કરોડથી વધારેની હજાર અને પાંચસોની બંધ થઈ ગયેલી જૂની ચલણી નોટો સાથે ચાર લોકોને ઝડપી પાડ્યા છે. આ જૂની ચલણી નોટો મુંબઈથી નવસારીમાં નવસારીમાં, નવી નોટો સામે બદલાવવા માટે આવી હોવાનું પ્રાથમિક તપાસમાં ખુલ્યુ હતું. હવે એક બહુ મોટો પ્રશ્ન પોલીસ અને પ્રશાસન સામે આવી રહ્યો છે કે આખિરકાર આ જૂની ચલણી નોટોને નવી નોટો સામે કોણ બદલી આપે છે?? (વિડીયો - સ્પીડ રિપોર્ટ) access_time 3:38 pm IST

  • રાજસ્થાનમાં ગુર્જર આંદોલન હિંસક બન્યું :ધૌલપુરમાં પોલીસ પર પથ્થરમારો :પોલીસની ગાડીઓમાં આગ લગાડાઇ :ભરતપુર જિલ્લાના ધૌલપુરમાં પ્રદર્શકારીઓ અને પોલીસ વચ્ચે ઘર્ષણ :પોલીસ પાર પથ્થરમારો કરાયો :ગાડીઓ પણ સળગાવી access_time 1:26 am IST