Gujarati News

Gujarati News

News of Monday, 11th February 2019

સાંતલપુરના સિંઘાડામાં માયનોર કેનાલમાં ગાબડું પડતા હજારો લીટર પાણીનો જથ્થો વેડફાયો

સાંતલપુર: તાલુકાના સીધાડા ગામ પાસેથી પસાર થતી પરસુંદ માયનોર કેનાલમાં પ્રથમ વખત પાણી છોડવામાં આવતા કેનાલમાં મોટું ગાબડું પડયું હતું. કેનાલનું કામ પાંચેક દિવસ પહેલા બનાવવામાં આવેલ કેનાલ તુટી જતા કેનાલના કામમાં ગુણવત્તા જળવાઈ ના હોવાના ખેડૂતોએ આક્ષેપ કર્યા હતા.

સીધાડા ગામ નજીક પરસુંદ માયનોર કેનાલનું કામ પાંચેક દિવસ અગાઉ કરવામાં આવ્યું હતું. કેનાલનું કામ ચાલતું હતું ત્યારે જ ખેડૂતોએ કામ બરાબર કરવામાં ના આવતું હોવાની ફરિયાદ નર્મદા નિગમના અધિકારીઓને કરી હતી. પરંતુ ભ્રષ્ટાચારી અધિકારીઓએ કેનાલોના કામોની ગુણવત્તા જળવાઈ રહે તેના માટે કોઈ જ કાર્યવાહી કરી ન હતી. જેના કારણે કેનાલમાં પ્રથમ વખત પાણી છોડવામાં આવતા સીધાડા ગામ નજીક કેનાલમાં 15 ફૂટનું ગાબડું પડયું હતું. શિયાળાની રવી સીઝનનો પાક લેવાના સમયે ગાબડું પડતા કેનાલનું પાણી આજુબાજુના ખેતરમાં જીરાના ઉભા પાકમાં ફરી વળતા ખેડૂતને ભારે નુકસાન થયું હતું.

(5:06 pm IST)
  • બૈતૂલના ભાજપના સાંસદ જ્યોતિ ધુર્વનું જાતિ પ્રમાણપત્ર કેન્સલ ;વધી શકે છે મુશ્કેલી :જનજાતીય કાર્ય વિભાગની તપાસ સમિતિએ ધૂર્વનું અનુસૂચિત જનજાતિ પ્રમાણપત્ર રદ કરવા પરનો પ્રતિબંધ હટાવ્યો :એટલે કે જ્યોતિ ધુર્વ જનજાતીય વર્ગના નથી access_time 1:02 am IST

  • વિડીયો : નોટબંધી ને બે વર્ષ ઉપરાંત થવા આવ્યા છતાં હજુ જૂની ચલણી નોટો પકડાઈ રહી છે. નવસારી લોકલ ક્રાઇમ બ્રાન્ચ પોલીસે પોલીસે ત્રણ કરોડથી વધારેની હજાર અને પાંચસોની બંધ થઈ ગયેલી જૂની ચલણી નોટો સાથે ચાર લોકોને ઝડપી પાડ્યા છે. આ જૂની ચલણી નોટો મુંબઈથી નવસારીમાં નવસારીમાં, નવી નોટો સામે બદલાવવા માટે આવી હોવાનું પ્રાથમિક તપાસમાં ખુલ્યુ હતું. હવે એક બહુ મોટો પ્રશ્ન પોલીસ અને પ્રશાસન સામે આવી રહ્યો છે કે આખિરકાર આ જૂની ચલણી નોટોને નવી નોટો સામે કોણ બદલી આપે છે?? (વિડીયો - સ્પીડ રિપોર્ટ) access_time 3:38 pm IST

  • પાકિસ્તાન દ્વારા સીઝ ફાયરનું ફરી ઉલ્લંઘન : કાશ્મીરના આરએસ પુરા સેકટરમાં એલઓસી પર પાકિસ્તાને ફરીથી ફાયરીંગ શરૂ કર્યુ છે access_time 3:39 pm IST