Gujarati News

અમદાવાદ: સરદારનગર વિસ્તારમાં રહેતી ૨૧ વર્ષની યુવતીને લગ્ન માટે દબાણ કરી એક યુવક અને તેના સાથીદારોએ ઢોર માર માર્યો હતો. જેને પગલે યુવતીને લાગી આવતા તેણે ગળાફાંસો ખાઈને આપઘાતનો પ્રયાસ કર્યો હતો. જેમાં બેભાન હાલતમાં તેને હોસ્પિટલમાં દાખલ કરવામાં આવી હતી. સરદારનગર પોલીસે ચાર શખ્સો સામે ગુનો નોંધીને વધુ તપાસ હાથ ધરી છે. આ બનાવની વિગત મુજબ સરદારનગર વિસ્તારમાં રહેતી યુવતીનાં પાંચ વર્ષ અગાઉ લગ્ન થયા હતા. જોકે પિ સાથે અણબનાવ બનતા તેણે છુટાછેડા લીધા હતા. દરમિયાન યુવતી કુબેરનગરમાં રહેતા ચિરાગ ગૌતમ તમાઈચે નામના યુવકના સંપર્કમાં આવી હતી. અવારનવાર બન્ને મોબાઈલ પર વાતચીત કરતા હતા. જેમાં બન્ને એકબીજાને પ્રેમ કરવા લાગ્યા હતા. બીજીતરફ ચિરાગ આ યુવતીને લગ્ન કરી લેવા માટે દબાણ કરવા લાગ્યો હતો. યુવતીએ હાલમાં તેનો લગ્ન કરવાનો ઈરાદો નથી એમ કહેતા ચિરાગે તેને લગ્ન નહી કરે તો જાનથી મારી નાંખશે એવી ધમકી આપી હતી. એટલું જ નહી બન્નેના વિડીયો બધાને બતાવી દેશે એવી ધમકી પણ આપી હતી.