Gujarati News

Gujarati News

News of Monday, 11th February 2019

આણંદની ગોપી ટોકીઝ સામે નવજાત બાળક મૃતહાલતમાં ત્યજેલ મળી આવતા તપાસ શરૂ

આણંદ: શહેરની ગોપી ટોકિઝ સામે આવેલી યોગીપુજન સાઈટ ઉપરથી ગઈકાલે સાંજના સુમારે એક તાજુ જન્મેલુ નવજાત મૃત શિશુ મળી આવતાં આ અંગે શહેર પોલીસે ગુનો દાખલ કરીને તપાસ હાથ ધરી છે. 
મળતી વિગતો અનુસાર ફરિયાદી અલ્પેશભાઈ હરિભાઈ મોરડીયાની ગોપી ટોકિઝ સામે ટીપી ૧૦માં ફાઈનલ પ્લોટ નંબર ૭૮માં યોગીપુજન નામની સાઈટ ચાલી રહી છે. ગઈકાલે સાંજના છ વાગ્યાના સુમારે તેમને એક નવજાત બાળક (પુરૂષ)મૃત હાલતમાં મળી આવતાં તુરંત જ શહેર પોલીસને જાણ કરી હતી જેથી પોલીસ ટીમ તુરંત જ ઘટનાસ્થળે ઘસી ગઈ હતી અને મૃત નવજાત બાળકનો કબજો લઈને પીએમ માટે સરકારી હોસ્પિટલમાં મોકલી આપ્યું હતુ. 
પોલીસના જણાવ્યા અનુસાર બાળકના અજાણ્યા માતા-પિતા કે પછી તેની સંભાળ રાખનાર દ્વારા આ બે-ત્રણ દિવસ પહેલા જ જન્મેલા બાળકને કકડતી ઠંડીમાં ત્યજી દેવામાં આવ્યું હતુ જેના કારણે તેનું મોત થયું હતુ.

(5:05 pm IST)
  • વિડીયો : નોટબંધી ને બે વર્ષ ઉપરાંત થવા આવ્યા છતાં હજુ જૂની ચલણી નોટો પકડાઈ રહી છે. નવસારી લોકલ ક્રાઇમ બ્રાન્ચ પોલીસે પોલીસે ત્રણ કરોડથી વધારેની હજાર અને પાંચસોની બંધ થઈ ગયેલી જૂની ચલણી નોટો સાથે ચાર લોકોને ઝડપી પાડ્યા છે. આ જૂની ચલણી નોટો મુંબઈથી નવસારીમાં નવસારીમાં, નવી નોટો સામે બદલાવવા માટે આવી હોવાનું પ્રાથમિક તપાસમાં ખુલ્યુ હતું. હવે એક બહુ મોટો પ્રશ્ન પોલીસ અને પ્રશાસન સામે આવી રહ્યો છે કે આખિરકાર આ જૂની ચલણી નોટોને નવી નોટો સામે કોણ બદલી આપે છે?? (વિડીયો - સ્પીડ રિપોર્ટ) access_time 3:38 pm IST

  • ર૦૦૩ ના મુંબઇ બોમ્બ બ્લાસ્ટમાં મોતની સજા પામેલા હનીફ સૈયદનું મૃત્યુ : નાગપુર : નાગપુરની સેન્ટ્રલ જેલમાં કેદ ર૦૦૩ ના મુંબઇ બોમ્બ બ્લાસ્ટ કેસમાં મોતની સજા પામેલા ૩ દોષિતોમાંથી એક એવા મોહમ્મદ હનીફ સૈયદ શનિવારે એક હોસ્પીટલમાં મૃત્યુ થયુ હતું. સૈયદ, તેની પત્ની ફહમીદા અને ત્રીજા કાવતારા ખોર અશરત અંસારીને પોટા કોર્ટે ર૦૦૯ માં બોમ્બ બ્લાસ્ટ માટે કસૂરવાર ઠેરવ્યા હતાં. આ બ્લાસ્ટરમાં પર લોકો માર્યા ગયા હતાં. access_time 3:42 pm IST

  • કાશ્મીરમાં સેના બની દેવદૂત :બરફમાં દોઢ કિલોમીટર સુધી ગર્ભવતી મહિલાને સ્ટ્રેચર પર લઈને ગયા જવાનો :બેલડી બાળકીઓને આપ્યો જન્મ :ભારે બરફવર્ષા અને ખરાબ હવામાન વચ્ચે માઇનસ 7 ડિગ્રીથી ઓછા તાપમાનમાં ભારતીય સેનાની કાબિલેતારીફ કામગીરી access_time 1:25 am IST