Gujarati News

મહેમદાવાદ: પોલીસે વાત્રક નદીના પુલ ઉપરથી હ્યુન્ડાઈ ગાડીમાં વિદેશી દારૂની હેરાફેરી કરતા બે ઈસમોને ઝડપી પાડી ૧૬ હજાર ઉપરાંતનો વિદેશી દારૂનો જથ્થો કબ્જે કરીને પ્રોહિબિશન ધારાની જુદી-જુદી કલમો હેઠળ ગુનો દાખલ કરીને કાર્યવાહી હાથ ઘરી છે. 
મહેમદાવાદ પોલીસે ગત રાત્રે પેટ્રોલીંગમાં નિકળી હતી આ દરમિયાન મહેમદાવાદ વાત્રક બ્રીજ નજીક પૂરઝડપે આવતી હુન્ડાઈ કારનં. જીજે ૨૩ એએન ૨૭૭૫ને ઉભી રખાવી કાર ચાલક સહિત બંને ઈસમોની અટક કરી પુછપરછ કરતા સંતોષકારક જવાબ આપ્યો ન હતો જેથી ગાડીની તલાશી લેતાં બીયરની ચાર પેટી તથા વિદેશી દારૂની નાની-મોટી ૪૮ બોટલો થઈને કુલ ૧૬,૮૦૦નો વિદેશી દારૂનો જથ્થો મળી આવ્યો હતો. પોલીસે કારમાંથી પકડાયેલા બંને ઈસમોની પુછપરછ કરતાં શૈલેષભાઈ મલસીંગભાઈ બારીયા તથા મુકેશભાઈ હરસીંગભાઈ બારીયા (બંને રે. દલ્લારા મહુડા ફળિયું, પોસ્ટ નાની ઘાઘેલી, તા. ફતેપુરા) હોવાનું જણાવ્યું હતું જેથી પોલીસે તેમની અંગ જડતીમાં રૂ.૧૮૦૦ મોબાઈલ નં. ૨ રૂ.૩,૦૦૦ તથા વિદેશી દારૂ તેમજ ૩ લાખની કાર મળી કુલ રૂ.૩,૨૧,૬૦૦નો મુદ્દામાલ કબજે કર્યો હતો.