Gujarati News

Gujarati News

News of Monday, 11th February 2019

હિન્દુસ્થાન નિર્માણ પાર્ટી ખાટલા બેઠકો કરશે

મેં મારી હોસ્પિટલ પણ દાનમાં આપી દીધી છે, સતા અને સંપતી માટે લડતો નથીઃ ડો. તોગડિયા :ગામડાઓમાં ખેડુતોના પ્રશ્નોને અને શહેરોમાં રોજગારી- આરોગ્યના પ્રશ્નો પર વધુ ભાર

રાજકોટ, તા. ૧૧ : વિશ્વ હિન્દુ પરિષદથી અલગ પડીને હિન્દુસ્થાન નિર્માણ પાર્ટીની સ્થાપના કરનાર ડો.પ્રવીણભાઈ તોગડિયાએ શહેરો અને ગામડાઓમાં પાર્ટી દ્વારા સંગઠનના શ્રેણીબદ્ધ કાર્યક્રમો યોજી જનજાગરણ કરવાનું જાહેર કર્યુ છે.

ડો.તોગડિયાએ જણાવેલ કે ગામડાઓમાં ખાટલા બેઠકો અને જૂથ બેઠકો કરવામાં આવશે. પાક પણ ખેડૂતનો અને ભાવ પણ ખેડૂતનો એ બાબત ધ્યાને રાખી લડત ચડાવાશે. કપાસ અને મગફળીના કિવન્ટલના મિનિમમ રૂપિયા ૧૩૦૦ થી ૧૫૦૦ ખેડૂતોને મળવા જોઈએ. ગામડાઓમાં ખેડૂતોના પ્રશ્નો અને શહેરોમાં યુવાનોને રોજગારી, આરોગ્ય, શિક્ષણ વગેરે મુદ્દા ઉઠાવવામાં આવશે. ઉપરાંત અયોધ્યામાં રામ અને કાશ્મીરના પથ્થરબાજોને શાંત કરવાનો મુદ્દો પણ રહેશે.

ડો.તોગડિયાએ એક પ્રશ્નના જવાબમાં જણાવેલ કે, લોકસભાની ચૂંટણીમાં અમારી પાર્ટી ૪૦૦ જેટલા ઉમેદવારો ઉભા રાખવા માગે છે. મને અયોધ્યાથી લડવા આગ્રહ છે. આખરી નિર્ણય બધા ભેગા મળીને કરશે.

ગુજરાતમાં વણિકર ભવન કાર્યાલયના વિવાદ અંગે તેમણે જણાવેલ કે, ભાજપ સરકારે પોલીસનો દુરૂપયોગ કરી કાર્યાલયનો કબજો સંભાળ્યો છે. મે મારી હોસ્પિટલ પણ દાનમાં આપી દીધી છે. હું સત્તા અને સંપતિ માટે લડનારો માણસ નથી. જનતા માટે કાયમ લડતો રહીશ.

(3:47 pm IST)
  • ચંદ્રબાબુ નાયડુના ઉપવાસ પૂર્ણ :પૂર્વ પીએમ દેવગૌડાએ કરાવ્યા પારણા :વિપક્ષી નેતાઓ થયા એકજુથ :ચંદ્રાબાબુ નાયડુએ રાત્રે 8,20 કલાકે પોતાના એક દિવસના ઉપવાસ ખત્મ કર્યા હતા access_time 1:07 am IST

  • વિડીયો : નોટબંધી ને બે વર્ષ ઉપરાંત થવા આવ્યા છતાં હજુ જૂની ચલણી નોટો પકડાઈ રહી છે. નવસારી લોકલ ક્રાઇમ બ્રાન્ચ પોલીસે પોલીસે ત્રણ કરોડથી વધારેની હજાર અને પાંચસોની બંધ થઈ ગયેલી જૂની ચલણી નોટો સાથે ચાર લોકોને ઝડપી પાડ્યા છે. આ જૂની ચલણી નોટો મુંબઈથી નવસારીમાં નવસારીમાં, નવી નોટો સામે બદલાવવા માટે આવી હોવાનું પ્રાથમિક તપાસમાં ખુલ્યુ હતું. હવે એક બહુ મોટો પ્રશ્ન પોલીસ અને પ્રશાસન સામે આવી રહ્યો છે કે આખિરકાર આ જૂની ચલણી નોટોને નવી નોટો સામે કોણ બદલી આપે છે?? (વિડીયો - સ્પીડ રિપોર્ટ) access_time 3:38 pm IST

  • અમદાવાદ: રૂપિયા 260 કરોડ ઓનલાઇન છેતરપીંડીનો મામલો :CIDએ વધુ એક ગુનામાં ભાર્ગવી શાહને તપાસ માટે મિર્ઝાપૂર કોર્ટેમાં ટ્રાન્સફર વોરંટથી અટકાયતની કરી માગ : કોર્ટે ભાર્ગવી શાહની અટકાયત માટેનો આદેશો આપ્યો access_time 12:23 am IST