Gujarati News

Gujarati News

News of Monday, 11th January 2021

ગાંધીનગરના ગ્રામ્ય વિસ્તારમાં પોલીસે બાતમીના આધારે બારડોલી બારીયાના ખોડિયા વિસ્તારમાં દરોડા પાડતા જુગારીઓમાં દોડધામ મચી જવા પામી

ગાંધીનગર:જિલ્લામાં છેલ્લા થોડા સમયથી ગ્રામ્ય વિસ્તારોમાં જુગારની બદી વધી છે ત્યારે પોલીસ દ્વારા બાતમીદારોને સક્રિય કરી જુગારના ઠેકાણાઓ ઉપર દરોડા પાડવામાં આવી રહયા છે ત્યારે દહેગામ પોલીસની ટીમ પેટ્રોલીંગમાં હતી તે દરમ્યાન બાતમી મળી હતી કે બારડોલી બારીયા ગામે ખોડીયા વિસ્તારમાં આવેલા ઘરો પાસે ખુલ્લી જગ્યામાં કેટલાક ઈસમો ભેગા મળીને તીનપત્તીનો જુગાર રમી રહયા છે. જે બાતમીના પગલે પોલીસ ટીમે દરોડો પાડતાં જુગારીઓમાં નાસભાગ મચી ગઈ હતી અને પાંચ જુગારી ખેતરોમાં ભાગી જવામાં સફળ રહયા હતા. પોલીસે સ્થળ ઉપરથી બારડોલી બારીયાના વજાજી મોહનજી ચૌહાણ અને અજીતસિંહ પ્રભાતસિંહ ચૌહાણને ઝડપી પાડયા હતા. જેમની પાસેથી ૧૧૩૮૦ રૃપિયાનો રોકડ કબ્જે કરવામાં આવી હતી. જયારે ભાગેલા જુગારીઓ સંદર્ભે પુછપરછ કરતાં તે બારડોલી બારીયાના બદાજી પુનાજી ચૌહાણરણજીતજી સોમાજી ચૌહાણચંદુજી રાવજીજી ચૌહાણજગાજી સુરસંગજી ચૌહાણ અને પ્રહલાદજી બેચરજી ચૌહાણ હોવાનું બહાર આવ્યું હતું. પોલીસે આ તમામ સામે જુગારધારા તેમજ સોશ્યલ ડીસ્ટેન્સીંગ ભંગ અને માસ્ક નહીં પહેરવા અંગેનો ગુનો નોંધી કાયદેસરની કાર્યવાહી હાથ ધરી હતી.

(5:14 pm IST)
  • વિરાટ કોહલી પિતા બન્યાઃ પત્ની અનુષ્કા શર્માએ પુત્રીને જન્મ આપ્યો : ભારતીય ક્રિકેટ ટીમના કેપ્ટન વિરાટ કોહલી પિતા બન્યા છે. તેમના પત્ની અને ફિલ્મ અભિનેત્રી અનુષ્કા શર્માએ પુત્રીને જન્મ આપ્યો છે. લક્ષ્મીજીના આગમનથી પરિવારમાં ઉત્સાહ છવાયો છે. access_time 4:44 pm IST

  • ગુજરાતમાં બર્ડ ફ્લૂની એન્ટ્રી થતા તંત્ર અલર્ટઃ કાંકરિયા પ્રાણી સંગ્રહાલયમાં પક્ષી વિભાગને બર્ડ ફ્લૂની સંભિવત અસરને જોતા બંધ કરવાનો નિર્ણય લેવાયો, કાંકરિયા પક્ષી વિભાગમાં 1200થી વધુ પક્ષીઓ ઉપસ્થિત access_time 4:49 pm IST

  • મુખ્યમંત્રી વિજયભાઈ રૂપાણીના હસ્તે માંડવી તાલુકાના સઠવાવ ખાતે 'કાકરાપાર-ગોરધા-વડ ઉદ્દવહન પાઇપલાઇન યોજના'નુ કરાયુ લોકાર્પણ સંપન્ન : રૂ.૫૭૦ કરોડના ખર્ચે સાકાર થયેલી યોજનાથી માંડવી અને માંગરોળ તાલુકાના કુલ ૮૯ ગામોના ૪૯,૫૦૦ એકર વિસ્તારને સિંચાઈનો લાભ મળશે : ૩ મધ્યમ ડેમ, ૨ મોટા તળાવો, ૬ કોતરો અને ૩૦ ચેકડેમોમાં પાણી સંગ્રહ થશે. માંડવી અને માંગરોળ તાલુકાના ૨૯૦૦૦ આદિજાતિ ખેડૂત પરિવારોમા ઉગશે સમૃદ્ઘિનો સૂરજ ઉગશે access_time 11:46 am IST