Gujarati News

Gujarati News

News of Tuesday, 10th December 2019

વડોદરાના લાલબાગ બ્રિજ નીચેના દબાણો ફરીથી દૂર કરાયા

વડોદરા:  મ્યુનિસિપલ કોર્પોરેશનની દબાણ હટાવ ટીમે આજે માંજલપુર તરફ બ્રિજ ઉતરતા ડાબી બાજુએ કાંસ પર ફરી બની ગયેલા ઝૂંપડાના દબાણો તોડી પાડયા હતાં. જેના કારણે કોર્પોરેશન અને પોલીસના અધિકારી સાથે ઝૂંપડાવાસીઓને ઘર્ષણ થયું  હતું.કોર્પોરેશને અગાઉ બજાણિયાવાસ તરીકે ઓળખાતી જગ્યા પર દબાણો હટાવ્યા હતા અને ફરી અહીં દબાણો ઉભા થતા કોર્પોરેશને ત્રાટકીને તોડી નાંખ્યા હતાં. અહી હાઇસ્પીડ રેલ કોર્પોરેશનની ઓફિસ બનવાની છે. આજે દબાણો તૂટતા અને જગ્યા ખાલી થતા રેલવેએ જગ્યા પર પતરા ઉભા કરવાનું શરૃ કરી દીધું હતું.ઉલ્લેખનીય છે કે આજે સવારે સિટિ સર્વે કચેરી, કોર્પોરેશન અને પોલીસની ટીમો બજાણીયાવાસ પહોંચી ગઇ હતી. ત્યાંના રહીશો દ્વારા બે દિવસની મુદતની માંગણી કરાઇ હતી જો કે તંત્ર દ્વારા ઇન્કાર કરાતા આખરે દબાણ કરનારાઓ દ્વારા સામાન ખસેડવાની શરૃઆત કરાઇ હતી. બાદમાં સાંજે કોર્પોરેશનની દબાણશાખાના બુલડોઝર દબાણો પર ફરી વળ્યા  હતાં. સમયે કેટલાક બાળકો બુલડોઝર પર ચડી ગયા હતાં. જો કે વિરોધ વચ્ચે જમીન સમતળ કરી દેવાઇ હતી.

(4:59 pm IST)
  • ઓલ ઇન્‍ડિયા સ્‍ટુડેન્‍ટસ યુનિયને વિવાદાસ્‍પદ નાગરીકતા સુધારાબીલ સામેના વિરોધમાં સમગ્ર આસામમાં ૩૦ સ્‍થાનીક સંગઠનો સાથે પ્રદર્શન કર્યું અને નરેન્‍દ્રભાઇ, અમિતભાઇ અને આસામના મુખ્‍ય પ્રધાન સર્બાનંદ સોનવાલના પૂતળા બાળ્‍યાઃ બધાજ વકતાઓએ એક જ સુરમાં કહ્યું વિવાદાસ્‍પદ નાગરીકતા સુધારા બિલને કોઇપણ ભોગે સ્‍વીકારવામાં આવશે નહિ access_time 4:35 pm IST

  • હૈદરાબાદ એન્કાઉન્ટર મામલે હાઇકોર્ટે ઉઠાવ્યા સવાલઃ પોલીસ સામે નામજોગ FIR કરવા હાઇકોર્ટનો આદેશ :એન્કાઉન્ટરમાં સામેલ દરેક પોલીસ કર્મચારીઓ સામે એફઆઈઆર નોંધાવવી પડશેઃ પોલીસ કર્મચારીઓને કેસનો સામનો કરવો પડશે access_time 1:09 pm IST

  • અમેરિકાના જર્સી શહેરમાં ગોળીબાર ચાલુ : ઇમર્જન્સી એલર્ટ : બે ઓફિસરો ઘવાયાંના અહેવાલ :ન્યુ જર્સીમાં એક્ટિવ શૂટર સિચ્યુએશન : લોન્ગ ગન સાથે એક શખ્શ ફાયરિંગ કરી રહયો છે ન્યૂજર્સીના greenvilla વિસ્તારમાં 12 સ્કૂલો બંધ કરી દેવામાં આવી છે : ત્રીસેક મિનિટ પહેલાની ઘટના access_time 12:33 am IST