Gujarati News

Gujarati News

News of Tuesday, 10th December 2019

સુરતના ઉધનામાંથી લાપતા ત્રણ બાળકો મુંબઈથી મળ્યા : સીસીટીવી ફૂટેજના કારણે પોલીસને સફળતા

પોલીસની કામગીરીનો પરિવારજનોએ આભાર માન્યો

સુરત: શહેરના ઉધના વિસ્તારમાંથી ત્રણ બાળકો ગુમ થતા ચકચાર મચી જવા પામી હતી ઉધનાથી ધ્રુવ, શિવમ અને સત્યમ નામના બાળકો ગુમ થયા હતાં. જો કે  આ ગુમ થયેલા બાળકો મુંબઇના બોરીવલીથી મળી આવ્યાં છે. જેને લઈને ઉધના પોલીસ અને પરિવારજનોએ રાહતનો શ્વાસ લીધો હતો.

 મળતી માહિતી મુજબ ગુમ થયેલા બાળકોના સીસીટીવી ફૂટેજ મળ્યા હતાં. જેને લઈને ઉધના પોલીસે બાળકોની શોધખોળ શરૂ કરી હતી. બાળકો ઘરેથી નીકળ્યા બાદ ગુમ થયા હતાં. બે અલગ અલગ પરિવારના ત્રણેય બાળકો ઘરેથી નીકળ્યા બાદ બોરીવલી સ્ટેશન પોહચી ગયા હતાં. પરિવારજનો દ્વારા તાત્કાલિક ઉધના પોલીસને જાણ કરાતાં પોલીસની જુદી જુદી ટીમો કામે લાગી હતી.

જ્યાં ઉધના રેલવે સ્ટેશનના સીસીટીવી ચેક કરાતા બાળકો ટ્રેન મારફતે ગયા હોવાની હકીકત જાણવા મળી હતી. ઉધના પોલીસના માણસો દ્વારા તાત્કાલિક મુંબઈ જઇ શોધખોળ શરૂ કરવામાં આવી હતી. જ્યાં બોરીવલી પોલીસનો સંપર્ક સાંધતા બોરીવલી સ્ટેશન પરથી બાળકો મળી આવ્યા હતા.

પોલીસની એક ટીમે મુંબઈના બોરીવલી જઇ બાળકોનો કબજો મેળવ્યો હતો. ત્રણેય બાળકો સહીસલામત મળી આવતા ઉધના પોલીસ અને પરિવારજનોએ રાહતનો શ્વાસ લીધો હતો. પોલીસની કામગીરીનો પરિવારજનોએ આભાર માન્યો હતો.

(9:07 am IST)
  • જીએસટી કાઉન્સીલે નિયુકત કરેલા રેવન્યુ બાબતના ઓફીસરોની એક મહત્વની બેઠક અત્યારે સાંજે પૂરી થઇ જેમાં આ અધિકારીઓએ ૫% જીએસટીનો સ્લેબ વધારીને ૮ % કરવાનો અને ૧૨ % જીએસટીનો સ્લેબ વધારીને ૧૫ ટકા કરવાની ભલામણ કરી છે (ન્યુઝ ફર્સ્ટ દ્વારા) access_time 5:27 pm IST

  • દેશમાં રોજગારીની કોઈ કમી નથી : નોટબંધી પછી બેરોજગારી વધ્યાના કોઈ ચિન્હ દેખાતા નથી : લોકસભામાં શ્રમ રોજગાર મંત્રી ગંગવાર ઉવાચ access_time 8:08 pm IST

  • " કબૂતરોનો ભારત પ્રેમ " : પાકિસ્તાનથી છોડાતા પાળેલા કબુતરો ભારતમાં આવ્યા પછી પાછા જવાનું નામ લેતા નથી : પાકિસ્તાનના કબૂતરબાજો ચિંતામાં access_time 8:10 pm IST