Gujarati News

 અમદાવાળા :દિવાળીના દિવસોમાં એસટી નિગમે વધારાની 9902 ટ્રીપો દોડાવી 4.83 કરોડની વિક્રમી આવક મેળવી છે. જેમાં સૌથી વધુ એક્સ્ટ્રા બસોનુ સંચાલન દાહોદના રુટ પર કર્યું હતું. આ રુટ પર 1 હજાર જેટલી વધુ બસોનુ સંચાલન કરવામા આવ્યુ હતું.

  રાજ્યભરમાં સામાન્ય દિવસોમાં રુટીન 8 હજાર જેટલા શિડ્યુલ મુકવામા આવે છે જેમાં 18 થી 19 હજાર ટ્રીપોનુ સંચાલન થાય છે. દિવાળી સમયે આ વખતે નિગમે 7700 ટ્રીપોના અંદાજ સામે 9902 ટ્રીપોનુ વધારાનુ સંચાલન કર્યું હતું. લાભ પાંચમ સુધી હજુ એકસ્ટ્રા વધારાની ટ્રીપોનુ સંચાલન ચાલુ રહેશે.
   આ વખતે ઓનલાઈન બુકીંગની માંગ વધારે રહી હતી. માત્ર એક દિવસ (9 નવેમ્બર)ની જ વિક્રમી 1 કરોડ 14 લાખ રુપિયાની આવક નોધાઈ હતી. જે અત્યાર સુધીની ઓનલાઈન બુકીંગની સૌથી વધારે આવક છે. આ બાબત દર્શાવે છે કે હવે એસટીના મુસાફરોમાં પણ ઓનલાઈન બુકીંગને કરી રહ્યા છે.

  અધિકારીઓના મતે 3 થી 6 નવેમ્બરે દિવાળીના આ દિવસોમાં એસટીએ 4 લાખ 25 હજાર જેટલા વધારાના મુસાફરોને પોતાના મુકામે પહોચાડી 4.83 કરોડની આવક મેળવી હતી. આ એકસ્ટ્રા સંચાલન લાભ પાંચમ સુધી કાર્યરત રહેશે ત્યારે વધારાની આવકનો આંક હજુ વધશે.