Gujarati News

અમદાવાદ ગુજરાત પ્રદેશ કોંગ્રેસના સંગઠનનું નવું માળખુ જાહેર થાય તેવી શક્યતા છે. સંગઠનના ઉપપ્રમુખ અને મહામંત્રીમાં અનુભવી અને યુવા નેતાઓનો સમાવેશ કરાશે તેમજ મંત્રી તરીકે નવા ચહેરાઓને પણ સ્થાન મળશે.

   પ્રદેશ કોંગ્રેસનું નવું માળખુ જાહેર થયા બાદ ગણતરીના દિવસોમાં કોંગ્રેસ સંગઠનની બેઠક મળશે. જેમાં એક મહામંત્રી, એક પ્રમુખ બે મંત્રી સહિત ચાર લોકોને લોકસભા બેઠકની જવાબદારી સોંપાય તેવી પણ સંભાવના સૂત્રો વ્યક્ત કરી રહ્યા છે.

   અત્રે ઉલ્લેખનીય છે કે  છેલ્લા ઘણા સમયથી કોંગ્રેસ સંગઠનના નવા માળખાની રાહ જોવાઈ રહી છે. પહેલાં નોરતે નવું માળખું જાહેર થવાનું હતું પરંતુ અત્યાર સુધી તે જાહેર થઈ શક્યું નથી.