Gujarati News

Gujarati News

News of Thursday, 10th October 2019

પોલિયો રસી પીવડાવ્યા બાદ જોડિયા બાળકોના મોત થયા

સુરતના કામરેજના કિસ્સાને પગલે તંત્ર દોડતુ થયુ : બંને બાળકોના પીએમ રિપોર્ટ પર નજર : ૨૦-૨૦ વર્ષોના વ્હાણાં બાદથી અંતે પરિવારમાં જોડિયા પુત્રો જન્મ્યા હતા

અમદાવાદ,તા. ૧૦ : સુરતના કામરેજ ખાતે આરોગ્ય કેન્દ્રમાંથી બે જોડિયા બાળકોને પોલીયોની રસી પીવડાયા બાદ બાળકોનું અચાનક મોત થતાં પરિવારજનો ઘેરા આઘાતમાં ગરકાવ બન્યા હતા. બંને બાળકોના મોતથી પરિવાર હચમચી ગયો હતો. પરિવારજનોએ હોસ્પિટલ સામે ગંભીર બેદરકારીના આક્ષેપ સાથ હોબાળો મચાવ્યો હતો. બંને બાળકોના મૃતદેહ પોસ્ટ મોર્ટમ માટે સિવિલ હોસ્પિટલમાં ખસેડાયા હતા. પોસ્ટ મોર્ટમના રિપોર્ટ બાદ મોતનું સચોટ કારણ સામે આવે તેમ પોલીસ જણાવી રહી છે. જો કે, આ સમગ્ર કેસમાં આઘાતજનક વાત તો એ છે કે, ૨૦-૨૦ વર્ષોના વ્હાણાં બાદ પરિવારમાં જોડિયા પુત્રો અવતર્યા હતા પરંતુ અકાળે મોતથી શોકનો માતમ પથરાઇ ગયો હતો. મૃતકોના સ્વજનોનું કહેવું છે કે, અમે ૧૨ વાગ્યાથી ૧ વાગ્યાની વચ્ચે બાળકોને લઈને રસી આપવા ગયા હતા. ડોકટરે રસી મૂક્યા બાદ અમને કહ્યું કે તાવ આવે તો ગભરાતાં નહીં રાત્રે બાળકો સુઈ ગયા બાદ સવારે ઉઠ્યાં નહીં. ડોક્ટરે કહ્યું હતું કે, તાવ આવે તો ખાનગી દવાખાને જતાં નહીં. સવારે બાળકોને અમે ખાનગી હોસ્પિટલમાં લઈ ગયા ત્યાં બાળકોને મૃત જાહેર કરાયા હતા. જ્યાં સુધી ફોરેન્સીક રિપોર્ટ અમને નહીં મળે ત્યાં સુધી લાશ નહીં સ્વીકારીએ.

            પરિવારજનોએ હોસ્પિટલ સત્તાધીશો સામે ગંભીર આક્ષેપો કરી ભારે હોબાળો મચાવ્યો હતો. બીજીબાજુ, આ મામલે કામરેજ મતવિસ્તારના ધારાસભ્ય વી.ડી. ઝાલાવાડિયાએ કાયદેસરની જે કોઈ પણ કાર્યવાહી કરવાની હશે તેના પર કાર્યવાહી કરવામાં આવશે તેવુ આશ્વાસન આપ્યું હતું. હોસ્પિટલના તબીબોનું કહેવું હતું કે, સામાન્ય સંજોગોમાં જો રસીનું રિએક્શન આવવાનું હોય તો અડધા કલાકમાં આવી જાય છે અને ગઈકાલે અનેક બાળકોને આ રસી આપવામાં આવી હતી. રસી આપવામાં આવી તેના ૧૬ કલાક બાદ બાળકોનાં મોત થયા છે. અત્યારે કંઈ પણ કહેવું મુશ્કેલ છે. પીએમ રિપોર્ટ આવ્યા બાદ જ સાચું કારણ જાણી શકાશે. જો કે, બે જોડિયા બાળકોના મોતને લઇ સમગ્ર વિસ્તારમાં ભારે અરેરાટીની લાગણી પ્રસરી ગઇ હતી.

(8:46 pm IST)
  • ફાન્સથી પરત ફર્યા રક્ષામંત્રી રાજનાથસિંહ : શસ્ત્ર પૂજન અંગે આપ્યું નિવેદન : શસ્ત્ર પૂજા અંગે સવાલ ઉઠાવવો યોગ્ય નથી :કોંગ્રેસમાં પણ વિભાજન થયું હોવું જોઈએ :અમે એ કર્યું જે મને ઠીક લાગ્યું : આ મારો વિશ્વાસ છે કે એક સુપર પાવર છે અને બાળપણથી જ એવું માન્યું છે access_time 1:08 am IST

  • દિલ્હી-એનસીઆરમાં ડીઝલ જનરેટરના ઉપયોગ પર પ્રતિબંધ લાગશે : પ્રદુષણ-પર્યાવરણ નિયંત્રણ બોર્ડે 15મી ઓક્ટોબરથી ગ્રૅન્ડેડ રિસ્પોન્સ પ્લાન લાગુ કરવા નિર્ણંય કર્યો : 15મી ઓક્ટોબરથી 15 માર્ચ સુધી લાગુ રહેશે : આ સમય દરમિયાન ડીઝલ જનરેટરનો વપરાશ કરી શકાશે નહીં : બોર્ડે 15 ઓક્ટોબર સુધીમાં રસ્તાના ગાબડાં ભરવા પણ આદેશ કર્યો access_time 1:12 am IST

  • પાકિસ્તાને ગ્વાદર ક્ષેત્રમાં ચીની કંપનીઓને 23 વર્ષ માટે ઈન્ક્મટેક્સમાં આપી છૂટ : પાકિસ્તાને રણનીતિક ગ્વાદર બંદરગાહ અને તેના મુકતક્ષેત્રમાં કાર્યરત ચીનની કંપનીઓને આવકવેરા મુકત કરવા નિર્ણંય કર્યો access_time 1:07 am IST