Gujarati News

Gujarati News

News of Thursday, 10th October 2019

ડાકોર શહેર પોલીસે ઢુણાદરા-જાખેડ રોડ પર વોચ ગોઠવીને કારમાં લઇ જવાતો 88 હજારનો વિદેશી દારૂનો જથ્થો ઝડપી પાડ્યો

ડાકોર:પોલીસે ઢુણાદરા-જાખેડ રોડ ઉપર વોચ ગોઠવીને કારમાં લઈ જવાતા ૮૮ હજારના વિદેશી દારૂ સાથે ત્રણ શખ્સોને ઝડપી પાડીને કુલ ચાર વિરૂધ્ધ પ્રોહિબિશન ધારાની જુદી-જુદી કલમો હેઠળ ગુનો દાખલ કરીને તપાસ હાથ ધરી છે.

આ અંગે મળતી માહિતી મુજબ ઠાસરા તાલુકાના ઢુણાદરાથી જાખેડ ગામ તરફ સ્વીફ્ટ ગાડીમાં દારૂની હેરાફરી કરવામાં આવનાર હોવાની માહિતી ડાકોર પોલીસની મળી હતી. જેથી પોલીસની ટીમે ગતરોજ ઢુણાદરા-જાખેડના કેનાલવાળા રસ્તે વોચ ગોઠવી હતી. દરમિયાન રસ્તા પરથી બાઈક નં. જીજે- ૦૭, બીએલ-૫૦૩૧ લઈ પસાર થતાં ઈસમની અટકાયત કરી પોલીસે પૂછપરછ હાથ ધરી હતી. જેમાં તે દલસુખભાઈ ફુલાભાઈ પરમાર (રહે.જાખેડ,તા.ઠાસરા, મુળ રહે.નાપા તળપદ,તા.બોરસદ) હોવાનું જણાવ્યું હતું. જે બાદ માત્ર થોડીક જ મિનિટોમાં સ્વીફ્ટ ગાડી નં. જીજે-૧૮, સીબી-૭૭૭૬ આવતાં પોલીસે તેને રોકી હતી. અને ગાડીના ચાલક અને બાજુની સીટ પર બેઠેલા ઈસમની પૂછપરછ હાથ ધરી હતી. જેમાં ગાડીનો ચાલક શૈલેષભાઈ છગનભાઈ ભુરીયા (રહે.વિસલંગા,તા.લીમખેડા) અને ભરતભાઈ સમુડાભાઈ તડવી (શેડીયા,તા.લીમખેડા) હોવાનું બહાર આવ્યું હતું.

(5:59 pm IST)
  • પાકિસ્તાને ગ્વાદર ક્ષેત્રમાં ચીની કંપનીઓને 23 વર્ષ માટે ઈન્ક્મટેક્સમાં આપી છૂટ : પાકિસ્તાને રણનીતિક ગ્વાદર બંદરગાહ અને તેના મુકતક્ષેત્રમાં કાર્યરત ચીનની કંપનીઓને આવકવેરા મુકત કરવા નિર્ણંય કર્યો access_time 1:07 am IST

  • ઈજાગ્રસ્ત ઝિંગન બાંગ્લાદેશ વિશ્વકપ ક્વાલિફાયર મેચથી બહાર :ભારતીય ફૂટબોલ ટીમના ડિફેન્ડર સંદદેશ ઝિંગન ઇજા થવાના કારણે 15મી ઓક્ટોબરથી બાંગ્લાદેશ વિરુદ્ધ ફિફા વિશ્વકપ ક્વાલિફાયર મુકાબલાથી બહાર થયો : ઝિંગનને નોર્થઇસ્ટ યુનાઇટેડ એફસીના વિરુદ્ધ રમાયેલ મૈત્રી મેચમાં ઇજા થઇ હતી access_time 1:22 am IST

  • મોડીરાત્રે રાજકોટમાં હિટ એન્ડ રનની ઘટના : 150 ફૂટ રિંગરોડ પર કાર ચાલકએ ત્રણ કાર સાથે બાળકીને અડફેટે લીધી : કાર ચાલાક અકસમાત સર્જીને ફરાર : વધુ વિગતો મેળવાઈ રહી છે access_time 1:02 am IST