Gujarati News

Gujarati News

News of Thursday, 10th October 2019

હવે લર્નિંગ લાયસન્સ કઢાવવા માટે આરટીઓ સુધી લાંબુ નહીં થવુ પડેઃ આઇટીઆઇમાં સુવિધા ઉપલબ્ધ કરાશે

ગાંધીનગર :લર્નિંગ લાયસન્સ કઢાવવા માટે હવે આરટીઓ સુધી લાંબા નહિ થવુ પડે. કારણ કે, લર્નિંગ લાયસન્સ કાઢી આપવાની કામગીરી ટૂંક સમયમાં આઈ.ટી.આઈમાં કરવામાં આવશે. રાજ્ય સરકાર દ્વારા આ માટે લાયસન્સ દીઠ આઈ.ટી.આઈને 100 રૂપિયાનું મહેનતાણું આપશે. 11 ઓક્ટોબરના રોજ આઈટીઆઈના આચાર્ય અને ઈન્સ્ટ્રક્ટરને તાલીમ આપવામાં આવશે. તાલુકા કક્ષાએ આઈટીઆઈ દ્વારા લર્નિંગ લાયસન્સ આપવાની વ્યવસ્થા આરટીઓ દ્વારા કરવામાં આવશે.

રાજ્ય સરકારની આ જાહેરાત સાથે જ હવે આઈટીઆઈમાં લર્નિંગ લાયસન્સની કામગીરી થશે. તો સાથે જ આરટીઓ ખાતે લર્નિંગ લાયસન્સની કામગીરી નહિ થાય. હાલના તબક્કે તો આરટીઓમાં આ કામગીરી ચાલુ છે. પણ સપ્તાહ બાદ લર્નિંગ લાયસન્સ કઢાવવાની કામગીરી બંધ થાય તેવી શક્યતા છે.

ઉલ્લેખનીય છે કે, રાજ્યની દરેક આરટીઓ ઓફિસોમાં બારેમાસ લોકોની ભીડ ઉમટેલી હોય છે. અનેક લોકોના કામ ખોરંભે ચઢેલા હોય છે. ત્યારે આરટીઓ પરથી કામનું ભારણ હળવુ થાય તે હેતુથી રાજ્ય સરકાર દ્વારા આ નિર્ણય લેવામાં આવ્યો છે. જેથી હવે લર્નિંગ લાયસન્સ માટે આઈટીઆઈમાં જવુ પડશે.

(4:46 pm IST)
  • અમરેલીના સરોવડામાં ગાજવીજ સાથે ધોધમાર વરસાદ access_time 3:51 pm IST

  • રાજસ્થાનમાં સ્કૂલમાં ઝેરી પાણી પીવાથી છ બાળકોની તબિયત બગડી :સ્કૂલની ટાંકી અને માટલામાં ઝેર ભેળવાયું હોવાની આશંકા : રાજસ્થાનના ચુરુ જિલ્લાના ભાલેરી પંથકની એક ખાનગી સ્કૂલમાં ઘટના : ઝેરી પાણી પીવાથી 60 બાળકોની તબિયત લથડી : સાત બાળકોની સ્થિતિ ગંભીર access_time 12:42 am IST

  • સુરત મજુરાના ધારાસભ્ય હરસંઘવીની આંતરરાષ્ટ્રીય સમિતિમાં નિમણુંક : વિદેશી સંબંધો અને આંતરરાષ્ટ્રીય વ્યાપાર બાબતની આઈસીડબલ્યુએ સમિતિના સભ્યપદે થઈ નિમણુંક access_time 6:16 pm IST