Gujarati News

Gujarati News

News of Thursday, 10th October 2019

ગુજરાતમાં પ્રથમ ઘટનાઃ સ્ટેટ બેંક ઓફ ઈન્ડિયા જન ઇન્સ્યોરન્સ કંપની બ્લેક લીસ્ટમાં

બનાસકાંઠા-સુરેન્દ્રનગરના ખેડૂતોને નાણા ચૂકવવામાં ધાંધીયા કરતા સરકારનો પરચો

રાજકોટ, તા. ૧૦ :. ગુજરાતમાં ખેડૂતોને પાક વીમાની મળવા પાત્ર રકમ ચુકવવામાં આડોડાઈ કરવાના આરોપસર રાજ્ય સરકારે સ્ટેટ બેન્ક ઓફ ઈન્ડીયા જનરલ ઈન્સ્યુરન્સ કંપનીને બ્લેક લીસ્ટ કરવા હુકમ કર્યાનું જાણવા મળેલ છે. આ વિમા કંપની હવે રાજ્ય સરકારની કોઈ યોજનામાં ભાગ લઈ શકશે નહિ.  આધારભૂત વર્તુળોમાંથી જાણવા મળ્યા મુજબ ૨૦૧૭ના વર્ષમાં બનાસકાંઠા અને સુરેન્દ્રનગર જિલ્લામાં ખરીફ પાક નિષ્ફળ જતા સ્ટેટ બેન્ક ઓફ ઈન્ડીયા જનરલ ઈન્સ્યુરન્સ વીમા કંપનીએ ખેડૂતોને વીમા પેટે નાણા ચૂકવવાના થતા હતા. ખેડૂતોના હક્કનો દાવો અને સરકારની વારંવારની રજૂઆત છતા વીમા કંપનીએ બન્ને જિલ્લાના કેટલાક વિસ્તારોને નાણા ચૂકવેલ નહિ અથવા ઓછા ચુકવેલ. આ મામલે કેન્દ્ર સરકાર સુધી ફરીયાદ પહોંચી હતી. આખરે સરકારે ખેડૂતોને અન્યાય કરનાર કંપનીને બ્લેક લીસ્ટમાં મુકી દીધી છે. ગુજરાતમાં કોઈ વીમા કંપનીને બ્લેક લીસ્ટમાં મુકવામાં આવી હોય તેવો પ્રથમ બનાવ છે. આ ઘટના દેશમાં પ્રથમ હોય તો પણ નવાઈ તેમ સરકારના વર્તુળો જણાવે છે.

(3:34 pm IST)
  • સુરતમાં મંદીનો માહોલ : કારીગરો વતન ભણી : દિવાળી વેકેશન પહેલા જ હિરા ઘસુઓએ વતનની વાટ પકડી access_time 6:18 pm IST

  • ઈજાગ્રસ્ત ઝિંગન બાંગ્લાદેશ વિશ્વકપ ક્વાલિફાયર મેચથી બહાર :ભારતીય ફૂટબોલ ટીમના ડિફેન્ડર સંદદેશ ઝિંગન ઇજા થવાના કારણે 15મી ઓક્ટોબરથી બાંગ્લાદેશ વિરુદ્ધ ફિફા વિશ્વકપ ક્વાલિફાયર મુકાબલાથી બહાર થયો : ઝિંગનને નોર્થઇસ્ટ યુનાઇટેડ એફસીના વિરુદ્ધ રમાયેલ મૈત્રી મેચમાં ઇજા થઇ હતી access_time 1:22 am IST

  • અમરેલીના સરોવડામાં ગાજવીજ સાથે ધોધમાર વરસાદ access_time 3:51 pm IST