Gujarati News

Gujarati News

News of Thursday, 10th October 2019

વડોદરામાં બોગસ પાસપોર્ટનું કૌભાંડ ઝડપાયું સ્પેનના પાંચ નકલી પાસપોર્ટ સાથે આઠ શખ્શોની ધરપકડ

તમામ ભેજાબાજો અમદાવાદ અને મહેસાણાનાં: વિદેશ જવા ઈચ્છુકોને લાલચ આપી નકલી દસ્તાવેજો આપીને છેતરતા

 

વડોદરામાં એસઓજીએ સયાજીગંજ વિસ્તારમાંથી બોગસ પાસપોર્ટ કૌભાંડ ઝડપ્યું છે  એસઓજીએ સ્પેન દેશનાં પાંચ નકલી પાસપોર્ટ સાથે 8 શખ્સોની ધરપકડ કરી છે. ભેજાબાજો વિદેશ જવા ઈચ્છુકોને લાલચ આપી નકલી દસ્તાવેજો બનાવીને છેતરતાં હતાં.

વિદેશ જવાની લાલસામાં પાંચ યુવકોને આરોપી દેવેન નાયક અને કીર્તિ ચૌધરીએ વડોદરા ખાતે વેરીફિકેશનનાં નામે બોલાવ્યાં હતાં.. જો કે તે સમયે પોલીસને બાતમી મળી હતી કે કેટલાંક શખ્સો આવી શંકાસ્પદ પ્રવૃત્તિ કરી રહ્યાં છે. જેથી પોલીસે દરોડો પાડી 8 લોકોને ઝડપી લીધા . ઝડપાયેલા તમામ આરોપીઓ પૈકી એકપણ આરોપી વડોદરાનો નથી.

તમામ ભેજાબાજો અમદાવાદ અને મહેસાણાનાં છે. અને તેઓ ટુર એન્ડ ટ્રાવેલ્સના ધંધા સાથે સંકળાયેલા છે. ત્યારે શખ્સોએ વડોદરા શહેર કેમ પસંદ કર્યું તે પણ એક સવાલ છે. આરોપીઓ વડોદરા કેમ આવ્યા હતા. કોને મળવા આવ્યા હતા. કેટલા પૈસા પડાવતા હતા.. ઉપરાંત વડોદરામાંથી તેમની સાથે કોઈ સંડોવાયેલું છે કે કેમ તેવી તમામ દિશામાં પોલીસે તપાસ હાથ ધરી છે.

(12:04 am IST)
  • દિલ્હી-એનસીઆરમાં ડીઝલ જનરેટરના ઉપયોગ પર પ્રતિબંધ લાગશે : પ્રદુષણ-પર્યાવરણ નિયંત્રણ બોર્ડે 15મી ઓક્ટોબરથી ગ્રૅન્ડેડ રિસ્પોન્સ પ્લાન લાગુ કરવા નિર્ણંય કર્યો : 15મી ઓક્ટોબરથી 15 માર્ચ સુધી લાગુ રહેશે : આ સમય દરમિયાન ડીઝલ જનરેટરનો વપરાશ કરી શકાશે નહીં : બોર્ડે 15 ઓક્ટોબર સુધીમાં રસ્તાના ગાબડાં ભરવા પણ આદેશ કર્યો access_time 1:12 am IST

  • ફાન્સથી પરત ફર્યા રક્ષામંત્રી રાજનાથસિંહ : શસ્ત્ર પૂજન અંગે આપ્યું નિવેદન : શસ્ત્ર પૂજા અંગે સવાલ ઉઠાવવો યોગ્ય નથી :કોંગ્રેસમાં પણ વિભાજન થયું હોવું જોઈએ :અમે એ કર્યું જે મને ઠીક લાગ્યું : આ મારો વિશ્વાસ છે કે એક સુપર પાવર છે અને બાળપણથી જ એવું માન્યું છે access_time 1:08 am IST

  • મોડીરાત્રે રાજકોટમાં હિટ એન્ડ રનની ઘટના : 150 ફૂટ રિંગરોડ પર કાર ચાલકએ ત્રણ કાર સાથે બાળકીને અડફેટે લીધી : કાર ચાલાક અકસમાત સર્જીને ફરાર : વધુ વિગતો મેળવાઈ રહી છે access_time 1:02 am IST