Gujarati News

Gujarati News

News of Wednesday, 9th October 2019

અરવલ્લીમાં ભાજપ કાર્યાલય પાસે જ કોંગ્રેસનું શકિત પ્રદર્શન

બાયડ બેઠક માટેના સંમેલનમાં ભાજપના ૧૦૦ કાર્યકરો કોંગ્રેસમાં : અગાઉ ભાજપે ૧પ૦ કાર્યકરો ખેડવ્યા'તાઃ લેવાયો બદલો

અમદાવાદ તા. ૯ :.. ગુજરાત વિધાનસભાની છ બેઠકમાં પેટા ચૂંટણી માટે રાજકીય જંગ છેડાઇ ચૂકયો છે. ત્યારે બન્ને મુખ્ય રાજકીય પક્ષો હરીફ પક્ષમાં ગાબડા પાડવા સક્રિય બન્યા છે. બાયડ બેઠકમાં અગાઉ પ૦ કોંગી કાર્યકરોને ભાજપમાં જોડી ભાજપે રણશીંગુ ફુકયુ હતું તો કોંગ્રેસે બળદેવજી ઠાકોરની આગેવાનીમાં વળતો  પ્રહાર કરી માલપુરમાં ભાજપના કાર્યાલય પાસે જ શકિત પ્રદર્શન યોજી ભાજપના ૧૦૦ કાર્યકરોને કોંગ્રેસનો ખેસ પહેરાવી રાજકીય બદલો લેવાયો હતો.

અરવલ્લીના બાયડ મત વિસ્તારમાં કોંગ્રેસે બળદેવજી ઠાકોરના અધ્યક્ષ સ્થાને  માલપુરમાં કોંગ્રેસનું શકિત પ્રદર્શન યોજયુ હતુ અને ભાજપના કાર્યાલયની બાજુમાં જ યોજાયેલા આ કાર્યક્રમમાં કોંગ્રેસના પ્રદેશ નેતા બળદેવજી ઠાકોરે ભાજપના ૧૦૦ આગેવાન કાર્યકરોને કોંગ્રેસમાં આવકાર્યા હતાં.

ભાજપે પ૦ કાર્યકરોને ખેડવી કેસરીયો પહેરાવ્યો હતો તેની સામે કોંગ્રેસે પણ વળતો રાજકીય પ્રહાર કર્યો હતો.

(11:32 am IST)