Gujarati News

વડોદરા :શહેરના ફતેપુરા મેઇન રોડ પર આવેલા ભારત પેટ્રોલ પંપ પાસે ટ્રક ચાલકે વૃદ્ધ મહિલાને અડફેટે લીધી હતી સ્થળ ઉપર લોકોનું ટોળુ એકત્ર થઇ ગયું હતું અને ટ્રકના ડ્રાઇવરને ઝડપી પાડી મેથીપાક ચખાડ્યો હતો. ઇજાગ્રસ્ત મહિલાને ખાનગી હોસ્પિલમાં સારવાર અર્થે ખસેડવામાં આવી હતી.

  જાણવા મળતી વિગત વડોદરાના ફતેપુરા મેઇન રોડ પર આવેલ ભારત પેટ્રોલ પંપ પાસે ટ્રક ચાલકે અકસ્માત સર્જ્યો હતો. વારસિયા રિંગ રોડ સ્થિત 20, અક્ષરધામ સોસાયટીમાં ખાતે રહેતા મિનાક્ષીબેન શાહ માર્ગ પરથી પસાર થઇ રહ્યા હતા. તે સમયે પૂરપાટ ઝડપે પસાર થઇ રહેલી ટ્રકે મહિલાને અડફેટે લીધી હતી. જેથી તેને સારવાર અર્થે કારેલીબાગ વિસ્તારની ખાનગી હોસ્પિલમાં સારવાર અર્થે ખસેડવામાં આવી હતી. ઘટનાની જાણ થતાં આસપાસના લોકોનું ટોળુ એકત્ર થઇ ગયું હતું. ટ્રકના ડ્રાઇવર અર્જુન રાજભારને લોકોએ મેથીપાક ચખાડ્યો હતો.