Gujarati News

સુરત:કાપોદ્રાના હીરા વેપારીએ કરેલા નાણાકીય વ્યવહારમાં મધ્યસ્થી બનનાર કતારગામના હીરાદલાલે હીરા વેપારી પાસેથી રૃ.19 લાખ પડાવવા ધમકી આપી માર પણ મારતા ધરપકડ કરાઇ છે.

પોલીસ સૂત્રો દ્વારા પ્રાપ્ત થતી વિગતો મુજબ મૂળ ભાવનગરના ઉમરાળાના વતની અને સુરતમાં કાપોદ્રા લક્ષ્મણનગર ચોક ઈશ્વરકૃપા સોસાયટીમાં રહેતા 45 વર્ષીય અશોકભાઈ મનજીભાઈ કાકડીયા વરાછા મીની બજારમાં હીરાનો વેપાર કરે છે. વર્ષ 2015 માં તેમણે હિંમતભાઈ સોરઠીયાને રૃ.14 લાખ લખાણ કરીને ઉછીના આપ્યા તે સમયે હીરાબજારમાં દલાલીનું કામ કરતા તેમના હમવતની રાજેશભાઈ લવજીભાઈ ખુટ (ઉ.વ.32, રહે. ઘર નં.5, શિવમપાર્ક સોસાયટી, ડભોલી રોડ, કતારગામ, સુરત) મધ્યસ્થી તરીકે હતા. અશોકભાઇએ લખાણ માંગતા ઇન્કમટેકસની રેઇડમાં સળગાવી નાંખ્યું હવે ભૂલી જાઓ તેમ રાજેશભાઇએ કહી દીધું હતું.