Gujarati News

Gujarati News

News of Monday, 10th August 2020

વિરમગામ તાલુકામાં સગર્ભા માતાઓના ઘરે વૃક્ષારોપણ કરવામાં આવ્યું

તાલુકા વિકાસ અધિકારી સહિતના અધિકારી, કર્મચારીઓ ઉપસ્થિત રહ્યા

વંદના નીલકંઠ વાસુકિયા દ્વારા (વિરમગામ) :અમદાવાદ જિલ્લાના વિરમગામ તાલુકામાં આઇસીડીએસ વિભાગ દ્વારા સગર્ભા માતાઓના ઘરે વૃક્ષારોપણ કરવામાં આવ્યું હતું. સગર્ભા માતાના ઘરની મુલાકાત લઇ ફળનો છોડ આપવામાં આવ્યો અને તેનું વાવેતર કરવામાં આવ્યું હતું. આ કાર્યક્રમમાં વિરમગામના તાલુકા વિકાસ અધિકારી ડી.એન ચારણ, લક્ષ્મણભાઈ મોરી, વિરમગામ - માંડલ સી.ડી.પી.ઓ મીતાબેન જાની સહિતના અધિકારીઓ કર્મચારીઓ ઉપસ્થિત રહ્યા હતા. અત્રે ઉલ્લેખનીય છે કે સ્તનપાન સપ્તાહની ઉજવણીના ભાગરૂપે આ કાર્યક્રમનું આયોજન કરવામાં આવ્યું હતું અને સગર્ભા માતાઓને જરૂરી માર્ગદર્શન પણ આપવામાં આવ્યું હતું.

(8:53 pm IST)