Gujarati News

ગાંધીનગરઃ ગાંધીનગરના શેરથા ટોલટેક્સ પરથી પોલીસ દ્રારા 28 કિલો ગાંજા સાથે 4 લોકોને ઝડપી પાડવામાં આવ્યા છે. ઝડપાયેલો મુદ્દામાલને પરીક્ષણ અર્થે FSLમાં મોકલાયો છે. તો આરોપીની પુછપરછમાં મોટું નેટવર્ક ખુલે અને ગાંજાનું કનેક્શન ઓરિસ્સા સુધી પહોંચે તેવી શક્યતા દેખાઇ રહી છે.

ઉલ્લેખનીય છે કે આ પૂર્વે પણ ગુજરાતમાંથી મોટા જથ્થામાં ગાંજો ઝડપવામાં આવ્યો છે. વર્ષ 2018ની શરૂઆતથી અત્યાર સુધીમાં  વરાછામાંથી 93 કિલો, અમદાવાદ રેલવે સ્ટે. પરથી 76 કિલો, સુરતનાં સેન્ટ્રલ બસ સ્ટેન્ડ નજીકથી રીક્ષામાં 41 કિલો, ભરૂચની નર્મદા ચોકડી પાસેથી 600 કિલો અને સુરતમાંથી 828 કિલો ગાંજો ઝડપાયો છે.