Gujarati News

Gujarati News

News of Friday, 10th August 2018

પેટલાદ તાલુકાના લક્કડપુરા નજીક કારની હડફેટે બાઈક ચાલકનું કમકમાટી ભર્યું મોત

પેટલાદ:તાલુકાના લક્કડપુરા પાસે આજે સવારના સુમારે પુરપાટ ઝડપે જતી એક ઈકો કારે બાઈકને ટક્કર મારતાં ચાલકનું મોત નીપજ્યું હતુ. આ અંગે પેટલાદ શહેર પોલીસે કારના ચાલક વિરૂધ્ધ ગુનો દાખલ કરીને તપાસ હાથ ઘરી છે. 
પ્રાપ્ત વિગતો અનુસાર પેટલાદ ખાતે રહેતો અનિલભાઈ બાબુભાઈ તળપદા આજે સવારના સાતેક વાગ્યાના સુમારે પોતાનુું બાઈક લઈને લક્કડપુરા પાસેથી પસાર થઈ રહ્યો હતો ત્યાર ેસામેથી બેકરીનો સામાન ભરીને પુરપાટ ઝડપે આવી રહેલી ઈકો કાર નંબર જીજે-૨૭, એપી-૯૪૮૩એ ટક્કર મારતાં અનિલભાઈને માથામાં તથા શરીરના અન્ય ભાગોએ ગંભીર ઈજાઓ થવા પામી હતી. જેથી તુરંત જ ૧૦૮ મોબાઈલ વાનને જાણ કરતાં તેઓ આવી ચઢ્યા હતા અને ઘવાયેલા અનિલભાઈને સારવાર માટે હોસ્પિટલમાં લઈ જતાં હતા ત્યારે રસ્તામાં જ મોત થયું હતુ. 
અકસ્માત એટલો ભયાવહ હતો કે કારનું આગળનું પૈડુ આખુ બાઈક પર ચઢી જવા પામ્યું હતુ જેને લઈને બાઈકનો ભુક્કો બોલી જવા પામ્યો હતો.

(5:02 pm IST)
  • એંજલીના જોલીએ પૂર્વ પતિ બ્રેડ પિટ્ને કોર્ટમાં ઘસેડ્યો :અમેરિકી અભિનેતા બ્રેડ પીટ અને અભિનેત્રી એંજલીના જોલી 2016માં લગ્ન બાદ અલગ થયા હતા :હવે એંજલીનાં જોલીએ બ્રેડ પર આરોપ મુક્યો કે તલ્લાકના કેસ દાખલ કર્યા બાદ પિત્ત તેના બાળકોનો ખર્ચ આપતો નથી :પીટે આરોપને ફગાવ્યા ;તેના વકીલે કોર્ટમાં કહ્યું એન્જલિનાને અત્યાર સુધીમાં પીટ 13 લાખ ડોલરથી વધુ રકમ આપી ચુક્યો છે access_time 12:56 am IST

  • અમદાવાદ:રાજ્યમાં કેફી-માદક પદાર્થો પકડવા ડ્રાઈવ રાખવા ડીજીપીનો આદેશ:ડીજીપીએ એ.ટી.એસ.ને કર્યો આદેશ : ડીજીપી દ્વારા ખાસ એક્શન પ્લાન તૈયાર કરાયો : રાજ્યભરમાં માદક પ્રદાર્થોને ઝડપી પાડવા હુકમ access_time 7:32 pm IST

  • મધ્યપ્રદેશમાં તમામ મદ્રેસામાં 15મી ઓગસ્ટે ત્રિરંગો લહેરાવવા અને ત્રિરંગા યાત્રા કાઢવા આદેશ : મદ્રેસા બોર્ડના અધ્યક્ષ સૈય્યદ ઇમાદુદીનના આદેશથી વિવાદ છેડાયો : પોતાના આદેશમાં સાંસ્કૃતિક કાર્યક્રમ કરવા અને તે તમામની તસ્વીર ઇમેલમાં મોકલાવવા પણ કહ્યું : કોંગ્રેસે કર્યો વિરોધ access_time 1:18 am IST