Gujarati News

Gujarati News

News of Friday, 10th August 2018

ગાયનેક ડોકટર માટે તાલીમ અને પરીક્ષા ફરજિયાત રહેશે

હાઇકોર્ટે સુપ્રીમની માર્ગદર્શિકા પાળવા માટે કહ્યું: અગાઉ ગાયનેકોલોજીસ્ટ ડોકટર માટે ફરજિયાત તાલીમ, પરીક્ષાના અમલ સામે જારી કરેલો સ્ટે હાઇકોર્ટે ઉઠાવ્યો

ગાયનેક ડોકટર માટે તાલીમ અને પરીક્ષા ફરજિયાત રહેશે

અમદાવાદ, તા.૯: પીએનડીટી(પ્રિ-નેટલ ડાયગ્નોસ્ટિક ટેકનિક્સ) એકટ એટલે કે ગર્ભધારણ પૂર્વે અને જન્મ પૂર્વેના નિદાનની કાર્યપદ્ધતિના કાયદા બાબતે ગુજરાત હાઈકોર્ટે આજે મહત્ત્વપૂર્ણ ચુકાદો જારી કરી તમામ ગાયનેકોલોજીસ્ટ તબીબો માટે ફરજિયાત તાલીમ અને પરીક્ષાની જોગવાઇને બહાલ રાખતાં સુપ્રીમકોર્ટના ચુકાદા અને માર્ગદર્શિકાની અમલવારી માટેનો મહત્વનો હુકમ કર્યો હતો. એટલું જ નહી, હાઇકોર્ટે અગાઉ ગાયનેકોલોજીસ્ટ ડોકટરો માટે ફરજિયાત તાલીમ અને પરીક્ષાના અમલ સામે જારી કરેલો સ્ટે પણ ઉઠાવી લીધો હતો. ગુજરાત હાઇકોર્ટના ચુકાદાને પગલે સોનોગ્રાફી મશીન રાખવા અને ચલાવવા માગતા રાજ્યના તમામ ગાયનેકોલજિસ્ટે (સ્ત્રીરોગ ચિકિત્સક) તાલીમ લઇ પરીક્ષા આપવી પડશે. રાજયના ગાયનેકોલોજીસ્ટ ડોકટરો તરફથી કરાયેલી રિટ અરજીઓની સુનાવણીમાં રાજય સરકાર તરફથી સુપ્રીમકોર્ટ દ્વારા પીએનડીટી એકટની જોગવાઇઓને બહાલ રાખતાં ચુકાદા અને તેમાં જારી કરાયેલી માર્ગદર્શિકાઓ બાબતે ગુજરાત હાઇકોર્ટનું ધ્યાન દોરાયું હતું. સરકારે સ્પષ્ટ કર્યું હતું કે, ખુદ સુપ્રીમકોર્ટે પીએનડીટી એકટની આ જોગવાઇઓનું ચુસ્તતાપૂર્વક પાલન કરવા સ્પષ્ટ તાકીદ કરી છે ત્યારે તેનો ગુજરાત રાજયમાં પણ અમલ કરવો જ રહ્યો અને તેથી હાઇકોર્ટે અગાઉ આપેલો સ્ટે ઉઠાવી લેવો જોઇએ. ઉલ્લેખનીય છે કે, પીએનડીટી એક્ટ-૧૯૯૪ હેઠળની મુખ્ય જોગવાઈ અન્વયે બાળકનાં જાતિ પરીક્ષણ પર પ્રતિબંધ નિયત કરવામાં આવ્યા છે. જે અન્વયે જે તે જિલ્લાની ઓથોરિટી પાસે નોંધણી કરાવી નિયમોનું પાલન કરવાનું રહે છે.

ગર્ભનું જાતીય પરીક્ષણ થઈ શકે તેવાં તમામ સાધન ધરાવતી સંસ્થાએ આ એક્ટ અંતર્ગત રજિસ્ટ્રેશન કરાવવું ફરજીયાત છે. આ ઉપરાંત તમામ સાધનોનું ખરીદ - વેચાણ, રીપેરિંગ કરનારે દર ૩ માસે આ અંગેનો રિપોર્ટ કરવાનો હોય છે.

નોંધણીનું પ્રમાણપત્ર ક્લિનિકમાં દર્દીઓ અને તેના સગા સંબંધીઓ વાંચી શકે તેમ લગાડવું. સગર્ભા સ્ત્રીનું માહિતીનું રજિસ્ટર તથા તેમાં દર્દીનાં નામ, સરનામાં, ટેલિફોન નંબર ખાસ લખવા જરૃરી છે. જાતીય પરીક્ષણ કરનાર કે કરવા પ્રોત્સાહિત કરનારને રૃ.૫૦,૦૦૦ સુધીનો દંડ તથા પાંચ વર્ષની કેદ થઈ શકે તેવી પણ કાયદામાં જોગવાઇ છે ત્યારે હવે હાઇકોર્ટનો ઉપરોકત ચુકાદો પણ રાજયમાં ઘણો મહત્વનો સાબિત થશે.

(10:13 pm IST)
  • એંજલીના જોલીએ પૂર્વ પતિ બ્રેડ પિટ્ને કોર્ટમાં ઘસેડ્યો :અમેરિકી અભિનેતા બ્રેડ પીટ અને અભિનેત્રી એંજલીના જોલી 2016માં લગ્ન બાદ અલગ થયા હતા :હવે એંજલીનાં જોલીએ બ્રેડ પર આરોપ મુક્યો કે તલ્લાકના કેસ દાખલ કર્યા બાદ પિત્ત તેના બાળકોનો ખર્ચ આપતો નથી :પીટે આરોપને ફગાવ્યા ;તેના વકીલે કોર્ટમાં કહ્યું એન્જલિનાને અત્યાર સુધીમાં પીટ 13 લાખ ડોલરથી વધુ રકમ આપી ચુક્યો છે access_time 12:56 am IST

  • અમદાવાદ:રાજ્યમાં કેફી-માદક પદાર્થો પકડવા ડ્રાઈવ રાખવા ડીજીપીનો આદેશ:ડીજીપીએ એ.ટી.એસ.ને કર્યો આદેશ : ડીજીપી દ્વારા ખાસ એક્શન પ્લાન તૈયાર કરાયો : રાજ્યભરમાં માદક પ્રદાર્થોને ઝડપી પાડવા હુકમ access_time 7:32 pm IST

  • યમનમાં બસ પર હવાઈ હુમલો :29થી વધુ બાળકોના મોત :30 ઘાયલ ;ઉતરી યમનમાં અશાંત વિસ્તારમાં આ હાવૈ હુમલો સાઉદી અરબના નેતૃત્વવાળા ગઠબંધન દ્વારા એક બસ પર કરાયો :આ ગઠબંધન હુથી વિદ્રોહી વિરુદ્દ લડતા યમન સરકારનું સમર્થન કરે છે :આ હુમલા સમયે બસ શાદ વિસ્તારના દહયાન બજારમાં પસાર થતી હતી access_time 12:57 am IST