News of Friday, 10th August 2018

અમદાવાદની કેનેડામાં રહેતી યુવતિને પૂર્વ પ્રેમીઅે અંગત પળોના અશ્લીલ ફોટા વાયરલ કરવાની ધમકી આપીને પ૦ હજાર પડાવ્યાઃ યુવતિની માતાઅે પોલીસને ફરિયાદ કરતા યુવકે કેનેડા જઇને યુવતિને મારવાની ધમકી આપી

અમદાવાદ: કાંકરિયામાં રહેતી મહિલાએ ફરિયાદ નોંધાવી છે કે, તેમની 21 વર્ષની દીકરી ચાર મહિના પહેલાં અભ્યાસ કરવા માટે કેનેડા ગઇ છે. તેમની દીકરી દોઢ વર્ષ પહેલાં મણિનગરમાં રહેતા આદિશ જરોદિયા સાથે પરિચયમાં આવી હતી. બંને વચ્ચે નિકટતા વધી હતી અને બંને એકાંતમાં મળતાં હતાં.

પ્રેમીએ યુવતી સાથેની અંગત પળોના અને નગ્નાવસ્થાના ફોટા પાડી લીધા હતા. યુવતી કેનેડા જવાની હતી ત્યારે તેણે આદિશ સાથે સંબંધ પૂર્ણ કરી દીધા હતા. આદિશ માટે તૈયાર નહોતો પણ યુવતી તેને ગણકાર્યા વિના અભ્યાસ માટે કેનેડા જતી રહી હતી. છંછેડાયેલા આદિશે યુવતીને -મેલ કરીને પરેશાન કરવાનું શરૂ કર્યું હતું.

આદિશે યુવતીને અંગત પળોના ફોટા મોકલીને 50 હજાર રૂપિયા નહિ આપે તો તેના અશ્લીલ ફોટો સોશિયલ મીડિયા પર વાયરલ કરવાની ધમકી આપી હતી. ગભરાયેલી યુવતીએ તેને કેનેડીયન ડોલરમાં રકમ મોકલી આપી હતી. જો કે ત્યાર બાદ પણ આદિશે તેને હેરાન કરવાનું ચાલુ રાખ્યું હતું.

ગભરાયેલી યુવતીએ બે મહિના પહેલાં તેની માતાને ફોન કરીને વાતની જાણ કરી હતી. માતાએ આદિશને ફોન કરતાં ગુસ્સે ભરાઈને આદિશ યુવતીના ઘરે નશાની હાલતમાં પહોંચી ગયો હતો અને ધમાલ કરતાં યુવતીની માતાએ પોલીસ બોલવી હતી. પોલીસ તરત આદિશને પોલીસ સ્ટેશન લઈ ગઈ હતી.

જો કે આદિશ પછી પણ તોરમાં હતો. પોલીસ સ્ટેશન પહોંચ્યા બાદ આદિશે યુવતીને કેનેડા જઈ મારવાના મેસેજ કર્યા હતા. સ્થિતિમાં પોતાના પર હજુ પણ ખતરો હોવાથી યુવતીની માતાએ આદિશ સામે પોલીસ સ્ટેશનમાં ફરિયાદ કરી છે.

(9:14 am IST)
  • વડોદરામાં ચાંદીનો મોટો જથ્થો પકડાયો :નવાપુરા પોલીસે પકડયો જથ્થો :100 કિલો ચાંદીનો જથ્થો: કારમાં ચાંદી લઈને જતા બે શખ્સોની પોલીસે કરી અટકાયત :બંને શખ્સોની પુછપરછ : મોટી માત્રામાં ચાંદીનો જથ્થો પકડાતા વિવિધ એજન્સી કામે લાગી access_time 10:48 pm IST

  • ગાંધીનગર: રાજ્યના તમામ જિલ્લા કલેક્ટર્સને નારી અને બાળ સંરક્ષણ ગૃહોમાં CMO દ્વારા સઘન તપાસના આદેશ:બાળ તેમજ નારી સંરક્ષણ ગૃહમાં બાળકો અને મહિલાઓની સુરક્ષા બાબતે સમીક્ષા કરી રિપોર્ટ કરવાની સૂચના :મુઝફ્ફરનગર યૌન શોષણ કેસને ધ્યાનમાં લઇ રાજ્ય સરકારના આદેશ access_time 9:03 pm IST

  • મધ્યપ્રદેશમાં તમામ મદ્રેસામાં 15મી ઓગસ્ટે ત્રિરંગો લહેરાવવા અને ત્રિરંગા યાત્રા કાઢવા આદેશ : મદ્રેસા બોર્ડના અધ્યક્ષ સૈય્યદ ઇમાદુદીનના આદેશથી વિવાદ છેડાયો : પોતાના આદેશમાં સાંસ્કૃતિક કાર્યક્રમ કરવા અને તે તમામની તસ્વીર ઇમેલમાં મોકલાવવા પણ કહ્યું : કોંગ્રેસે કર્યો વિરોધ access_time 1:18 am IST