Gujarati News

Gujarati News

News of Friday, 10th August 2018

અમદાવાદમાં ટ્રાફિક નિયમન ભંગ કરનાર ફોટો કે વીડિયો વોટ્સઅેપ કરીને પોલીસને મદદ કરવા અપીલ

અમદાવાદ: છેલ્લા કેટલાક દિવસથી અમદાવાદના ટ્રાફિકની જાણે શકલ બદલાઈ ગઈ હોય તેમ શહેરના રસ્તા પહેલી વાર આટલા ખૂલ્લા લાગી રહ્યા છે. જોકે, નાગિકોને ટ્રાફિકની સમસ્યા રહે તે માટે ટ્રાફિક પોલીસ વધુ કેટલાક પગલા લેવા જઈ રહી છે, જેના ભાગરુપે હવે એક વ્હોટ્સએપ નંબર પણ શહેરીજનોને આપવામાં આવશે.

અમદાવાદ ટ્રાફિક પોલીસ વ્હોટ્સએપ પર મળેલી ફરિયાદ પર ત્વરિત કાર્યવાહી કરીને કલાકોમાં તેનું સોલ્યૂશન લાવી દેવા કામ કરશે. વ્હોટ્સએપ નંબરને ચોવીસે કલાક મોનિટર કરવામાં આવશે. શહેરમાં ક્યાંય પણ કોઈ ટ્રાફિકનો નિયમ ભંગ કરતું હોય તો તેનો ફોટો કે વીડિયો લઈને પણ નંબર પર વ્હોટ્સએપ કરી શકાશે.

કોર્પોરેશન અને પોલીસે સાથે મળીને અમદાવાદમાં ગંભીર બની ગયેલી ટ્રાફિકની સમસ્યાને ઉકેલવા માટે છેલ્લા કેટલાક દિવસોથી મોટું અભિયાન ચલાવ્યું છે. ઘણી જહેમત બાદ રસ્તા માંડ ખૂલ્લા થયા છે, ત્યારે સ્થિતિ નાગરિકોના સહકારથી લાંબો સમય જળવાઈ રહે તે માટે નક્કર પ્લાન બનાવવા પોલીસ વિચારી રહી છે. શહેરના દરેક ખૂણે પહોંચવું પોલીસ માટે ઘણું મુશ્કેલ છે ત્યારે હવે લોકો પાસેથી તેની માહિતી લેવા માટે પોલીસ વ્હોટ્સએપ નંબર જાહેર કરશે.

અંગે એડિશનલ સીપી (ટ્રાફિક) જે આર મોથલિયાએ જણાવ્યું હતું કે, દિશામાં તૈયારી શરુ થઈ ગઈ છે. ટ્રાફિકના નિયમોના ભંગની ત્વરિત માહિતી મળે તે માટે વ્હોટ્સએપ નંબર ઈશ્યૂ કરવાની કામગીરી ચાલુ છે. જો શહેરીજનોને ક્યાંય ગેરકાયદે પાર્કિંગ થતું દેખાય, કોઈ રોંગ સાઈડમાં આવતું હોય કે રસ્તા પર ફેરિયાઓ દબાણ કરતા હોય તો તેની માહિતી નંબર પર મેસેજ કરી શકશે.

એટલું નહીં, શહેરમાં ક્યાંય ટ્રાફિક જામની સ્થિતિ સર્જાય, કે પછી ટ્રાફિકને લગતી કોઈપણ સમસ્યા હોય તો લોકો તેનો ફોટો કે વીડિયો નંબર પર મોકલી શકશે. પોલીસ તેના પર ત્વરિત એક્શન લેશે, અને નંબર પર આવતા તમામ મેસેજનું તમામ શિફ્ટમાં નિરીક્ષણ કરવામાં આવશે. મેસેજ મળ્યા બાદ તેને જે-તે પોલીસ સ્ટેશન કે ટ્રાફિક અધિકારીને મોકલી દેવાશે.

(6:03 pm IST)
  • રેલરાજ્યમંત્રી રાજેન ગોહેન વિરુદ્ધ યુવતી પર બળત્કાર અને ધમકાવાના મામલે ગુન્હો નોંધાયો ; આસામ પોલીસે નગાવ જિલ્લામાં 24 વર્ષની મહિલા પર દુષકર્મ અને તેને ધમકાવવા મામલે ફરિયાદ નોંધી છે access_time 1:14 am IST

  • ગુજકોટના જનરલ મેનેજર ડી.પી મિશ્રા, MD એન. એમ શર્માને સમન્સ:નાફેડના રાજ્યકક્ષાના બ્રાંચ મેનેજર સુધીર મલ્હોત્રાની પણ કરાશે પુછપરછ: રાજ્યભરના વેરહાઉસના MD સંજયનંદનને પણ પાઠવાયું છે સમન્સ access_time 10:47 pm IST

  • અમદાવાદ:રાજ્યમાં કેફી-માદક પદાર્થો પકડવા ડ્રાઈવ રાખવા ડીજીપીનો આદેશ:ડીજીપીએ એ.ટી.એસ.ને કર્યો આદેશ : ડીજીપી દ્વારા ખાસ એક્શન પ્લાન તૈયાર કરાયો : રાજ્યભરમાં માદક પ્રદાર્થોને ઝડપી પાડવા હુકમ access_time 7:32 pm IST