Gujarati News

Gujarati News

News of Tuesday, 10th July 2018

નડિયાદ-મહેમદાવાદ રોડ નજીક કારની હડફેટે બાઈક ચાલકનું કમકમાટી ભર્યું મોત

નડિયાદ:નડિયાદ-મહેમદાવાદ રોડ ઉપર ગઈકાલે સાંજે કાર-મોટર સાયકલ વચ્ચે અકસ્માત સર્જાયો હતો. જેમાં બે જણાંને ઈજા થઈ હતી જે પૈકી એકનું સારવાર દરમિયાન મોત નિપજ્યું હતું. 

પોલીસ સૂત્રોમાંથી મળેલ વિગત મુજબ અમદાવાદ રખીયાલમાં રહેતા કાશીમભાઈ ઝાકીરભાઈ રાજપૂત અને ઈરશાદ ઉર્ફે સમીર પઠાણ ગઈકાલે સાંજે મોટર સાયકલ નં. જીજે-૨૭ બીએમ-૪૬૫૫ હંકારી નડિયાદ-મહેમદાવાદ રોડ પર થઈ ઘરે જઈ રહ્યાં હતા ત્યારે અંધેજ નજીક પૂરપાટ ઝડપે આવેલ સ્વીફ્ટકાર નં. જીજે-૦૧ કેજે-૨૪૦૦ મોટર સાયકલ સાથે અથડાતા બંનેને ઈજા થતાં તુરંત જ સારવાર માટે નડિયાદ સિવિલ હોસ્પિટલમાં લઈ જવામાં આવ્યા હતા. જ્યાં ઈરશાદ ઉર્ફે સમીરખાં કમાલખાન પઠાણ (ઉં.વ.૨૨)નું સારવાર દરમિયાન મોત નિપજ્યું હતું. જ્યારે કાશીમ ઝાકીરભાઈ રાજપૂતને વધુ સારવાર માટે અમદાવાદ સિવિલ હોસ્પિટલમાં લઈ જવામાં આવ્યો હતો. 

આ બનાવ અંગે નિશાર શહીદખાં પઠાણની ફરિયાદ આધારે નડિયાદ રૂરલ પોલીસે ગુનો નોંધી કાયદેસર કાર્યવાહી હાથ ધરી છે.

(5:21 pm IST)
  • આજે આટલા ભાગોમાં ભારે વરસાદની આગાહીઃ કોંકણ - ગોવા - પ.મધ્યપ્રદેશ - દક્ષિણ ગુજરાત - તટીય કર્ણાટક - કેરાલા - ઉત્તરાખંડ - દક્ષિણ કર્ણાટકના ભાગો - મધ્ય મહારાષ્ટ્ર - ઉત્તરપ્રદેશ - પૂર્વ રાજસ્થાન - પૂર્વ મધ્યપ્રદેશ - દક્ષિણ છત્તીસગઢ - મરાઠાવાડ - વિદર્ભ- સૌરાષ્ટ્ર - તામિલનાડુ - ઉત્તરી કર્ણાટકના વિસ્તારોમાં ભારે વરસાદની ડિઝાસ્ટર ખાતાની આગાહી access_time 11:12 am IST

  • રાજકોટમાં વાદળછાયુ વાતાવરણ: આ સપ્તાહમાં વરસાદની ખાદ્ય પૂરી થશે?: શહેરમાં આજે બીજા દિવસે પણ વાદળાઓ છવાયેલ છે : ગઈસાંજે હળવુ ઝાપટુ વરસી ગયુ હતું : સૌરાષ્ટ્રના ૫૦% વિસ્તારોમાં આજે ભાવનગર, અમરેલી, જૂનાગઢ, અડધા રાજકોટ જિલ્લામાં વરસાદની આગાહી છે : હાલ વરસાદને લગતી પરિસ્થિતિ સાનુ કૂળ છે : બે - ત્રણ સિસ્ટમ્સ બની છે: જે સૌરાષ્ટ્ર તરફ મૂવ કરે તો આવતા દિવસોમાં સારા વરસાદના એંધાણ છે access_time 11:12 am IST

  • રાત્રે 11-30 વાગ્યે રાજકોટમાં જોરદાર વરસાદી ઝાપટું: રસ્તાઓ ભીના:વાતાવરણમાં ઠંડક પ્રસરી આકાશ ગોરભાયુ access_time 1:18 am IST