Gujarati News

Gujarati News

News of Tuesday, 10th July 2018

એરંડા વાયદો ૮ મહિને રૂ. ૪,૫૦૦ને પાર

ગુજરાતમાં વરસાદનો અભાવ હોવાથી એરંડા વાયદામાં ઝડપી તેજી જોવા મળી રહ્યો છે

એરંડા વાયદો ૮ મહિને રૂ. ૪,૫૦૦ને પાર

અમદાવાદ તા. ૧૦ : મહારાષ્ટ્ર સહિતનાં રાજયોમાં ભારે વરસાદ છે, પરંતુ ગુજરાતમાં વરસાદનો અભાવ હોવાથી એરંડા વાયદામાં ઝડપી તેજી જોવા મળી રહ્યો છે. એરંડા વાયદામાં ચાર ટકાની ઉપલી સર્કિટ લાગી હતી અને વાયદો આઠ મહિનાનાં સમયગાળા બાદ પ્રથમવાર રૂ. ૪૫૦૦ની સપાટી પાર કરી હતી.

એરંડા જુલાઈ વાયદો સોમવારે રૂ.૧૫૪ વધીને રૂ. ૪૫૧૭ની સપાટી પર બંધ રહ્યો હતો, જે આ અગાઉ ૨૭મી ડિસેમ્બર ૨૦૧૭નાં રોજ આ સપાટી જોવા મળી હતી. એરંડા વાયદામાં એક મહિના પહેલા રૂ.૩૮૦૦ની નીચી સપાટી જોવા મળી હતી. આમ એક જ મહિનાના સમયગાળામાં વાયદામાં રૂ.૭૦૦નો ઉછાળો આવ્યો છે. .

એરંડા વાયદામાં તેજી અંગે એક અગ્રણી બ્રોકરે જણાવ્યું હતુ કે ગુજરાતમાં વરસાદ ખેંચાયો હોવાથી એરંડાનાં વાવેતરને મોટી અસર થાય તેવી સંભાવનાં રહેલી છે. એરંડાનાં વાવેતરમાં ગત વર્ષની તુલનાએ મોટો ઘટાડો થયો છે. બીજી તરફ ડોલર મજબૂત હોવાથી દિવેલની નિકાસમાં પણ જંગી વધારો થઈ રહ્યો છે, જેને પગલે એરંડા વાયદો આઠ મહિના બાદ પ્રથમવાર રૂ.૪૫૦૦ની સપાટીને પાર થયો છે. આગળ ઉપર હજી એકાદ સપ્તાહમાં વરસાદ નહીં આવે તો વાયદો રૂ.૪૭૦૦થી સપાટી પાર કરે તેવી સંભાવનાં દેખાય રહી છે.(૨૧.૮)

(9:53 am IST)
  • રાત્રે 11-30 વાગ્યે રાજકોટમાં જોરદાર વરસાદી ઝાપટું: રસ્તાઓ ભીના:વાતાવરણમાં ઠંડક પ્રસરી આકાશ ગોરભાયુ access_time 1:18 am IST

  • અમરેલી સાવરકુંડલા વચ્ચે બેઠો પુલ બેસી જતા રસ્તો બંધ: સિમરન - લાપાલિયા વચ્ચે કોઝવે પુલ ધોવાતા સ્ટેટ હાઇવે થયો બંધ: વાહન વ્યવહાર સાવરકુંડલાથી નેસડી ચલાલા તરફ ડાઈવર્ટ કરવામાં આવ્યો: રાજુલા મહુવા તરફથી આવતા વાહનો ચલાલા થઈને અમરેલી તરફ જઈ રહ્યા છે access_time 12:30 pm IST

  • શુક્રવારે બંગાળની ખાડીમાં લો પ્રેશર સર્જાવાની શક્યતા:એમપી અને ગુજરાત તરફ આગળ વધશે : આગામી પાંચ દિવસ ભારે વરસાદની આગાહી: રાજ્યમાં તંત્રને એલર્ટ કરાયું :તમામ વિભાગોને સ્ટેન્ડ બાય રહેવાની સૂચના access_time 11:15 pm IST