Gujarati News

થરાદ નજીકની મુખ્ય કેનાલમાં વધુ એક યુવકે મોતની છલાંગ લગાવી હતી.જોકે બનાવની જાણ થતાં થરાદ નગરપાલિકાના તરવૈયા સુલતાન મીર સાથે પોલીસે તુરંત ઘટનાસ્થળે દોડી જઇ આ યુવકને મોતના મુખમાંથી બચાવી લઈ જીવિત હાલતમાં બહાર કાઢયો હતો.

  આ અંગે મળતી વિગત મુજબ થરાદના દૂધ શીત કેન્દ્ર પાસેથી પસાર થતી નર્મદા કેનાલ પર નગરપાલિકાના તરવૈયા સુલતાનભાઈ મીર  યુવકોને તરવાની તાલીમ આપી રહ્યા હતા એ વખતે જ નહેર પર ધસી આવેલા એક યુવકે કેનાલમાં ઝંપલાવી દેતા તરવૈયા સુલતાનભાઈ મીરે પણ તુરંત કેનાલમાં કુદી પડી આ યુવકને મોતના મુખમાંથી બચાવી જીવિત હાલતમાં જ બહાર કઢાયો હતો.આ યુવકને જીવતદાન આપનાર સુલતાનભાઈ મીરના શૌર્યની સરાહના થઈ રહી છે.