Gujarati News

ઉમરેઠ: તાલુકાના ઘુળેટા તાબે રામદેવપુરા રોડ ઉપરના વણાંક પાસે આજે સવારના દશેક વાગ્યાના સુમારે બે બાઈકો સામસામે ભટકાતા એકનું ઘટનાસ્થળે જ મોત થયું હતુ જ્યારે બીજાને ઈજાઓ થતાં તેને ૧૦૮ મોબાઈલ વાન દ્વારા સારવાર માટે હોસ્પિટલમાં લઈ જવામાં આવ્યો હતો. આ અંગે ઉમરેઠ પોલીસે ગુનો દાખલ કરીને કાર્યવાહી હાથ ધરી છે. 

પ્રાપ્ત વિગતો અનુસાર ઠાસરા તાલુકાના મીઠાપુર ગામે રહેતો રાજેન્દ્રસિંહ માનસિંહ ચાવડા આજે સવારના સુમારે પોતાનું બાઈક નંબર જીજે-૭, એઈ-૪૬૨૮નું લઈને ઘુળેટા તાબે રામદેવપુરા રોડ ઉપર આવેલા ખેતરના વણાંક પાસેથી પસાર થઈ રહ્યો હતો ત્યારે સામેથી પુરપાટ ઝડપે આવી ચઢેલા બાઈક નંબર જીજે-૨૩, બીઆર-૧૧૫૦ અથડાતાં બન્ને ચાલકો રોડ પર પટકાયા હતા.