Gujarati News

Gujarati News

News of Friday, 10th May 2019

બનાસકાંઠા જિલ્લામાં પશુઓની ગણતરીનો પ્રારંભ

અસરગ્રસ્ત 9 તાલુકામાં વિવિધ ટીમો દ્વારા ગણતરી કર્યા બાદ સહાય ચુકાવાશે

બનાસકાંઠા જિલ્લામાં આજથી તંત્ર દ્વારા પશુઓની ગણતરી હાથ ધરાઈ છે અસરગ્રસ્ત જાહેર કરાયેલ ૯ તાલુકાઓની પાંજરાપોળ અને ગૌશાળા ઓમાં વિવિધ ટીમો દ્વારા પશુ ગણતરી કર્યા બાદ સહાય ચુકવવામાં આવશે.

  બનાસકાંઠા જિલ્લામાં ગત વર્ષે વરસાદ નહીં થતા જિલ્લાના નવ તાલુકાઓને અસરગ્રસ્ત જાહેર કરાયા છે જ્યાં આ વર્ષે ઉનાળાની શરૂઆત સાથે જ પાણી અને ઘાસચારાની તીવ્ર અછત સર્જાઈ છે. જેથી આવા પશુઓની સહાય માટે સરકાર દ્વારા સહાય માટેના પગલાં લેવાયા છે જેમાં પશુ દીઠ રૂ.૩પ ચુકવવાની જાહેરાત કરાઈ હતી.

   પશુઓ માટે પાણી અને ઘાસચારાની તંગી સર્જાતા તંત્ર દ્વારા હાલમાં આવા વિસ્તારોમાં પશુઓને પાણી અને ઘાસચારાની વ્યવસ્થા કરાઇ છે જે અંતર્ગત બનાસકાંઠા માં અસરગ્રસ્ત ૯ તાલુકાઓમાં આવેલી તમામ પાંજરાપોળ અને ગૌશાળાઓમાં પશુઓની ગણતરી હાથ ધરવામઆવી છે. જેમાં ડીસા તાલુકામાં કાટ ખાતે આવેલી પાંજરાપોળ ખાતે પશુચિકિત્સક ડો.વીનોદભાઈ મકવાણા અને ડો.સી.એન.પટેલ અને સર્કલ ઓફિસર ડી.એચ.પાટડીયા તથા તલાટી નરેશ ચૌધરી સહિત ત્રણ ટીમો પશુ ગણતરી માટે આવી પહોંચી હતી આવા પશુઓની ગણતરી બાદ સરકાર દ્વારા પશુ દીઠ રૂ.૩પની સહાય ચુકવવામાં આવશે તેમ પશુચિકિત્સકે જણાવ્યું હતું.

(11:24 am IST)
  • વડાપ્રધાનને આપેલ ૫૬ ગાળો ૫૬ ભોગ સમાનઃ ગડકરી : કેન્દ્રીય મંત્રી નિતિન ગડકરીએ કોંગ્રેસ ઉપર હલ્લાબોલ કરતા જણાવેલ કે વડાપ્રધાન મોદીને કોંગ્રેસે અત્યાર સુધીમાં ૫૬ ગાળો આપી છે, પણ એ અમારા માટે ૫૬ ભોગની જેમ છે. અમે અમારા પ્રદર્શનના આધારે ચૂંટણી લડી રહયા છીએ access_time 3:42 pm IST

  • હરભજનસિંહ અને લક્ષ્મણ આવ્યા ગંભીરના સમર્થનમાં :ક્રિકેટના મેદાનથી રાજનીતિની પીચમાં આવેલા ભાજપના ઉમેદવાર ગૌતમ ગંભીર સામે આપના ઉમેદવાર આતીષીએ લગાવેલ ગંભીર આરોપને હરભજનસિંહ અને લક્ષ્મણે પાયાવિહોણા ગણાવ્યા ;કહ્યું ગંભીર એવા પ્રકારનો નથી જે મહિલા વિરુદ્ધ આપત્તીજનક વાતો કરી શકે access_time 1:09 am IST

  • ટ્યુનિશિયામાં હોડી ડૂબી જતા 70 પ્રવાસીઓના મોત :ટ્યૂનિશિયાના સફાક્સ પ્રાંતમાં સ્થિત એક કિનારાથી 4 માઈલ દૂર નાવ ડૂબી જતા તેના પે સવાર ઉપ સહારાઈ મૂળના અવૈધ પ્રવાસીઓના મોત નિપજ્યા: સ્થાનિક મીડિયા મુજબ માછલી પકડવાવાળી નાવ અને માછીમારોએ 16 પ્રવાસીઓને બચાવ્યા છે access_time 1:23 am IST