Gujarati News

Gujarati News

News of Friday, 10th May 2019

પાટણના દુનાવાડાના યુવાન મયુર પટેલનો કેનાલમાં પગ લપસતાં ડૂબી જતા કરૂણમોત

ટ્રેકટર લઇને સેન્ટ્રીંગનો સમાન લેવા ગયેલ મયુરના પત્નીનો આ સપ્તાહે શ્રીમંતનો પ્રસંગ હતો

પાટણ દુનાવાડા ગામનો યુવાન ટ્રેક્ટર લઈ સેન્ટરીંગનો સામાન લેવા જઇ રહ્યાં હતા. ત્યારે વાંસા ગામની નર્મદા મુખ્ય કેનાલ આવતા પાણી પીવા કેનાલમાં ગયો હતો. જયાં પગ લપસતાં ડૂબી ગયો હતો જેને સ્થાનિક તરવૈયાઓ દ્વારા બહાર કાઢી હારીજ ખાતે પીએમ કરવામાં આવ્યું હતું.

    આ અંગેની વિગત મુજબ હારીજના દુનાવાડા ગામના મયુર જયંતીભાઈ પરમાર (ઉંમર-૨૬) જે કડિયાકામ સેન્ટીંગ કામ જેવા મજૂરી કામ કરી પરિવારને મદદરૂપ થતો હતો. દુનાવાડાથી ટ્રેક્ટર લઇ અન્ય કુટુંબના ત્રણ ભાઈઓ સાથે સામાન લેવા કુરેજા જઈ રહ્યો હતો. તરસ લાગતા તે વાંસા નર્મદા કેનાલમાં પાણી પીવા ઉતર્યો હતો

  . આ દરમિયાન અચાનક પગ લપસતા પાણીમાં ગરકાવ થયો હતો. તેના ભાઈઓ ટ્રેક્ટરમાં બેઠા બધુ જાઈ રહ્યાં હતા. પરંતુ તરતા ન આવડતું હોવાથી તેઓ ગભરાઈ ગયા હતા. તેમણે ગામના કુટુંબીજનોને ફોન કરી જાણ કરી હતી. જેથી સ્થાનિક તરવૈયાઓ મયુરની લાશ કેનાલથી બહાર કાઢીને હારીજમાં પીએમ માટે મોકલી હતી. મૃતક યુવાનના બે વર્ષ પહેલા લગ્ન થયા હતા. તેમની ધર્મપત્નીનો શ્રીમંતનો પ્રસંગ આ સપ્તાહમાં યોજાનાર હતો. ત્યારે યુવાનનું મોત થતાં જન્મ લેનાર બાળકે જન્મ પહેલા પિતાની છત્રછાયા ગુમાવવાનો વારો આવ્યો છે

(11:23 am IST)
  • ઈરાને પરમાણુ કાર્યક્રમ શરૂ કરવા માટે વધાર્યું દબાણ : અમેરિકાએ લગાવ્યા નવા પ્રતિબંધ: ઇરાને ફરી પોતાનો પરમાણુ કાર્યક્રમ શરૂ કરવાનું દબાણ ઉભું કર્યા બાદ અમેરિકાએ ઇરાન પર નવા પ્રતિબંધ લગાવ્યા: આ પ્રતિબંધ લોખંડ, સ્ટીલ, એલ્યુમિનિયમ સહિતના મેટલ પર લગાવ્યા access_time 1:19 am IST

  • ટ્યુનિશિયામાં હોડી ડૂબી જતા 70 પ્રવાસીઓના મોત :ટ્યૂનિશિયાના સફાક્સ પ્રાંતમાં સ્થિત એક કિનારાથી 4 માઈલ દૂર નાવ ડૂબી જતા તેના પે સવાર ઉપ સહારાઈ મૂળના અવૈધ પ્રવાસીઓના મોત નિપજ્યા: સ્થાનિક મીડિયા મુજબ માછલી પકડવાવાળી નાવ અને માછીમારોએ 16 પ્રવાસીઓને બચાવ્યા છે access_time 1:23 am IST

  • અમદાવાદના ધોળકા નગરપાલીકાનો કલાર્ક રૂ.૪૦ હજારની લાંચ લેતા રંગેહાથ ઝડપાયોઃ વર્કઓર્ડરના બિલ પાસ કરાવવા માગી હતી લાંચ access_time 3:42 pm IST