Gujarati News

Gujarati News

News of Friday, 10th May 2019

ઉડાન યોજનાઃ 15 મેથી અમદાવાદ-કંડલાની નવી ફલાઇટ શરૂ : બુકીંગ શરૂ

અમદાવાદથી બપોરે 2:50 વાગે રવાના થઇ કંડલા 3:45 વાગે પહોંચશે:કંડલાથી 4:05 વાગે રવાના થઇ અમદાવાદ 5:00 વાગે લેન્ડ થશે

અમદાવાદ: કેન્દ્ર સરકારની ઉડાન યોજના હેઠળ ટ્રુ જેટ એરલાઇન અમદાવાદથી કંડલા માટે આગામી 15 મેથી નવા સેક્ટર માટે ફલાઇટ ઓપરેટ કરશે. મુસાફરોને આકર્ષવા એરલાઇન કંપનીએ પ્રમોશનલ ફેરમાં રૂ.999 ટિકિટ ઓફર કરી છે. સિસ્ટમ પર ફલાઇટનું બુકીંગ પણ શરૂ કરી દેવાયુ છે.

અમદાવાદથી ટ્રુ જેટની ફલાઇટ પોરબંદર, જેસલમેર, નાસિક, ઇન્દોર હવે કંડલાની નવા સેક્ટરની મુસાફરોને સેવા આપશે. આગામી 15 મેથી શરૂ થતી આ સેક્ટરની સેવા માટે અમદાવાદથી બપોરે 2:50 વાગે રવાના થઇ કંડલા 3:45 વાગે પહોંચશે. કંડલાથી આ ફલાઇટ 4:05 વાગે રવાના થઇ અમદાવાદ 5:00 વાગે લેન્ડ થશે. ત્યારબાદ આ ફલાઇટ ઇન્દોર માટે ઉડાન ભરશે. નોંધનીય છે કે એર ડેક્કની અગાઉ અમદાવાદથી કંડલાની ફલાઇટ શરૂ કરવામાં આવી હતી પરંતુ મીસમેનેજમેન્ટના કારણે ઓપરેશન બંધ કરવુ પડ્યુ હતું.

(12:42 am IST)
  • હરભજનસિંહ અને લક્ષ્મણ આવ્યા ગંભીરના સમર્થનમાં :ક્રિકેટના મેદાનથી રાજનીતિની પીચમાં આવેલા ભાજપના ઉમેદવાર ગૌતમ ગંભીર સામે આપના ઉમેદવાર આતીષીએ લગાવેલ ગંભીર આરોપને હરભજનસિંહ અને લક્ષ્મણે પાયાવિહોણા ગણાવ્યા ;કહ્યું ગંભીર એવા પ્રકારનો નથી જે મહિલા વિરુદ્ધ આપત્તીજનક વાતો કરી શકે access_time 1:09 am IST

  • ૧૨૦૦ આઇપીએસ પોલીસ અફસરો ગૃહખાતાના સ્કેનરમાં : દેશના ૧૨૦૦ જેટલા આઇપીએસ-પોલીસ ઓફીસરો, ગૃહ મંત્રાલયના સ્કેનરમાં હોવાનું જાણવા મળે છેઃ આ ઓફીસરો બિનકાર્યક્ષમતા સબબ ગૃહ ખાતાના નિશાન ઉપર હોવાનું પણ ચર્ચાય છે access_time 4:01 pm IST

  • વડાપ્રધાનને આપેલ ૫૬ ગાળો ૫૬ ભોગ સમાનઃ ગડકરી : કેન્દ્રીય મંત્રી નિતિન ગડકરીએ કોંગ્રેસ ઉપર હલ્લાબોલ કરતા જણાવેલ કે વડાપ્રધાન મોદીને કોંગ્રેસે અત્યાર સુધીમાં ૫૬ ગાળો આપી છે, પણ એ અમારા માટે ૫૬ ભોગની જેમ છે. અમે અમારા પ્રદર્શનના આધારે ચૂંટણી લડી રહયા છીએ access_time 3:42 pm IST